Təhsildə İKT-nin tətbiqi genişlənir

20-05-2015 / 13:41

Bu gün Təhsil Nazirliyinin “Edumedia Azərbaycan”  ilə birgə təşkil etdiyi “Promethean interaktiv lövhələrin tədrisdə tətbiqi” müsabiqəsinin qalibləri mükafatlandırılıb.

Xeberler.az-ın məlumatına görə, tədbirdə təhsil nazirinin müavini Ceyhun Bayramov, “EduMedia Azərbaycan” təşkilatının direktoru Orxan Əzizov, ali və ümumtəhsil məktəblərinin rəhbərləri iştirak edib.

Tədbirdə  bildirilib  ki, müsabiqənin keçirilməsində məqsəd müasir informasiya və kommunikasiya texnologiyları avadanlıqlarının təhsildə istifadəsi genişləndirməkən ibarətdir.

Qeyd edək ki, müsabiqə 1-4 siniflər üçün hazırlanmış ən yaxşı resurs, 5-11-ci siniflər üçün hazırlanmış ən yaxşı resurs və ən yaxşı təlimçi işi nominasiyaları üzrə keçirilib.

Müsabiqə iştiraçıların əsas vəzifəsi məktəb kursunun bir və ya bir neçə mövzusunu əhatə edən, “Activinspire” proqramının köməkliyi  ilə hazırlanmış elektron materiallardan ibarət və metodiki şərhlərlə əsaslandırılan didaktik material təqdim etmək olub.  Müsabiqə dövründə 200-dən artıq resurs qəbul olunub və onlar arasından qaliblə seçilib.

Çıxışlardan sonra qaliblərə mükafatlar təqdim olunub. Onlara diplomla yanaşı, Böyük Britaniyanın “Promethean” şirkətinin məhsulları olan “Promethean ActivExpression”, “Promethean ActivView” və “Promethean ActivSlate” avadanlıqları verilib.

Tədbirdə “ActivExpression” vasitəsilə şagirdlər müəllimin vediyi sualları cavablandırdığı, müəllimin  isə nəticələri elektron lövhələrin ekranında müşahidə etdiyi bildirilib.

“ActivView” kameranın qarşısında yerləşdirilən hər hansı obyektin təsvirini elektron lövhədə nümayiş etirir.

“ActivSlate” vasitəsi ilə isə  müəllim uzaq məsafədən belə elektron lövhə üzərində əməliyyat apara və qeydlər yaza bilər.

Qeyd edək ki, Təhsil Nazirliyi ölkənin 640-dan çox ümumtəhsil məktəbinə belə elektron lövhələr paylayıb. Bu lövhələrin əsas üstünlükləri minlərlə elektron dərsliklərə çıxış imkanı, həmçinin eyni anda  zamanda iki istifadəçinin işləməsinə şərait yaratmaq, müxətlif əməliyyat sistemləri ilə işləmə qabiliyyətidir.

Elektron lövhədən istifadənin effektivliyinin artırılması məqsədilə ümumtəhsil məktəblərindən 4300-dən müəllimə  təlim də  keçirilib.

Məltəm Talıbzadə 

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.