Universitetlərdə proqram mühəndisliyi fənni tədris edilə bilər

29-09-2015 / 19:41

İKT-nin inkişaf etdiyi dövrdə müxtəlif fəaliyyət sahələrində proqram təminatına olan tələbat getdikcə artır. Proqramla idarə edilən sistemlər dünyada əksər sahələrdə artıq geniş tətbiq edilir. Bütün bu prosesler Azərbaycanda da bu sahənin inkişafı üçün lazımi mühitin yaradılması, proqram mühəndisliyi sənayesinin formalaşmasını, o cümlədən bu fənnin tədrisini şərtləndirir.  

Xeberler.az-a AMEA İnformasiya Texnologiyaları İnstitutundan verilən məlumata görə, İnstitutda proqram mühəndisliyi fənninin təhsil sistemində tədrisi məsələlərinə həsr olunmuş elmi seminar keçirilib.

“Proqram mühəndisliyi tədrisdə” mövzusunda məruzə ilə institutun böyük elmi işçisi Tamilla Bayramova çıxış edib. Tamilla Bayramova tədris planının təkmilləşdirilməsi və müasir dövrün tələblərinə cavab verən yeni fənlərin tədris proqramlarına daxil edilməsinin vacibliyini vurğulayıb. Sadə və mürəkkəb strukturlu proqram təminatının yaradılması ilə məşğul olan proqram mühəndisliyinin tədrisinin yüksək səviyyədə təşkilinin informasiya cəmiyyətinin tələblərindən olduğunu bildirib. Proqram mühəndisliyi tələblərinin, o cümlədən layihələrinin idarə edilməsi kimi problemlərə ali təhsil ocaqlarında önəm verilməsinin vacibliyini qeyd edib:

“Tələbələrin proqramlaşdırmanı dərindən mənimsəməsi üçün praktiki məşğələlərə üstünlük verilməsi, layihələr üzrə fəaliyyət göstərən təşkilatlarla əməkdaşlıq əlaqələrinin yaradılması mühüm şərtlərdəndir”.

Tamilla Bayramova həmçinin proqram mühəndisliyi üzrə Azərbaycan dilində kitab və digər nəşrlərin hazırlanması, internet-forumlar, sərgi və seminarların keçirilməsi, tədrisə yüksəkixtisaslı mütəxəssislərin cəlb olunması istiqamətində müvafiq tədbirlərin görülməsinin vacibliyini vurğulayıb. 

Sevinc Çəltikova


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.