Bu gün ölkə ərazisində çox sayda internet provayderləri fəaliyyət göstərir. Amma sayları nə qədər çox olsa da, vətəndaşların əksəriyyəti xidmətin qənaətbəxş olmadığını deyirlər. İstifadəçilərin sözlərinə görə, internetin sürəti zəif olur, provayderi dəyişmək istəyəndə isə üzə çıxır ki, ərazidə başqa provayder yoxdur. Bir növ Bakı və Abşeron əraziləri rayonlar üzrə provayderlər arasında bölünüb. Biri digərinin ərazisində qətiyyən xidmət təklif etmir. Təbii ki, bu da rəqabətin olmamasına, provayderlərin istədikləri kimi fəaliyyət göstərmələrinə şərait yaradır.
Vətəndaşların şikayətlərini Rəqəmsal İnkişaf və Nəqliyyat Nazirliyinə çatdırıb, yaranmış problemin nə vaxt həll ediləcəyini soruşduq. Təəssüf ki, bir neçə gün gözlədikdən sonra sualımızın yalnız internetin sürəti ilə bağlı hissəsinə ənənəvi, hamının bildiyi cavabı verdilər. Ölkə ərazisində istifadə olunan mövcud texnologiyadan və seçilmiş tarif paketindən asılı olaraq sürət dəyişir. Dövlət-özəl sektor tərəfdaşlığı əsasında həyata keçirilən “Onlayn Azərbaycan” layihəsi çərçivəsində 2024-cü ilin sonunadək ölkə ərazisində yüksək sürətli internetin təmin edilməsi üçün müvafiq işlər planlı şəkildə davam etdirilir.
Suallarımızın “Niyə bir provayderin olduğu əraziyə başqa provayder girmir? Royonları bu şirkətlər arasında kim bölüb?” hissəsinə isə nazirlikdən heç cür cavab ala bilmədik.
İnformasiya və kommunikasiyalar üzrə ekspert Elvin Abbasov isə deyir ki, bütün rayonlar üzrə fəaliyyət göstərmək şirkətlərin özlərinə də sərf eləmir. Çünki bunun üçün yeni avadanlıqlar alınmalı, iş arealı böyüdülməli, keyfiyyət daha da artırılmalıdır. Bazarda yaranacaq rəqabəti də nəzərə alanda şirkətlərin istəksiz davranmaları aydın olur.
Ancaq ekspert bunun çox uzun çəkməyəcəyinə inanır.
İnternetin sürətin gəldikdə isə... Elvin Abbasov əsas problemin simli texnologiyalardan qaynaqlandığını düşünür. Onun sözlərinə görə, fiber optiklər çəkilsə belə, sub provayderlərin özlərini yeniləmələri vacibdir. Keyfiyyətə təsir göstərən digər amillərdən biri isə provayderlərin müstəqil olaraq, yəni nəzarətsiz formada fəaliyyət göstərməlidir.
Onu da xatırladaq ki, hazırda ölkəmizdə 40-a yaxın provayder fəaliyyət göstərir. Hazırda ölkə ərazisinin 30 faizi fiboroptika ilə təmin olunub. Digər 70% isə 2024-ci ilə qədər gözləməli olacaq.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları