Xeberler.az bildirir ki, Rəqəmsal İnkişaf və Nəqliyyat Nazirliyi dövlət-özəl tərəfdaşlığı formatında ölkədə internetə əlçatanlığın artırılması və internetin keyfiyyətinin yaxşılaşması işlərinə start verib.
Məsələyə Azərbaycan İnternet Formunun Prezidenti, ekspert Osman Gündüz münasibət bildirib:
"Artıq hiss olunur ki, bəzi regionlarda və Bakı ətrafında bununla bağlı olduqca faydalı və ciddi işlərə başlanıb.
Nazir Rəşad Nəbiyev rəsmi olaraq açıqlayıb ki, 2 il ərzində, yəni 2023-cü ilin sonunadək ölkədə internet problemi tamamilə həll olunacaq. Ötən dəfə provayderlərlə görüşümüzdə RİNN rəsmiləri bildirdilər ki, ölkədə dayanıqlı internet infrastrukturun qurulması üçün gərəkli olan resurslar RİNN tərəfindən ayrılacaq.
Xatırlayıram ki, 7 il bundan öncə ölkə səviyyəsində genişzolaqlı internet infrastrukturn qurulamsını nəzərdə tutan dövlət proqramı üçün 0.5 milyard manat nəzərdə tutulmuşdu. Hansı ki, o zaman hökumət büdcədən bu pulu ayırmaqdan imtina etmişdi. Problem isə elə o zamandan qalmışdı.
İndi Nazirlik daxili resurslar hesabına bu probelmi ölkə üzrə birdəfəlik həll etmək istəyir. Bütün bunlar təqdirəlayiqdir və ölkənin rəqəmsal transfromasiyası və inkişafı üçün olduqca əhəmiyyətlidir. Lakin burada bəzi düşündürücü məqamlar da var".
Ekspertin sözlərinə görə, tərəfdaşlıq çərçivəsində internet infrastrukturun qurulmasına, Bakı ətrafında Baktelecom dövlət operatoru hələlik digər bir özəl Smart Technology provayderi ilə tərəfdaşlıq çərçivəsində işlərə başlayıb.
Lakin RİNN rəsmilərinin açıqlamalarından görmək olar ki, regionlarda hələlik dövlət –özəl tərəfdaşlığı çərçivəsində cəmi bir provayderlə- Azeronline şirkəti ilə müqavilələr bağlanıb. Azeronline da Azercell şirkətinə məxsusdur.
"Nəzərə alsaq ki Azercell şirkəti də 3 il öncə dövlətləşib, onda buradan belə qənaətə gəlmək olar ki, dövlət operatoru Aztelekom regionlarda digər bir dövlət operatoru- Azeronline ilə birləşərək internet infrastrukturunu quracaq.
Fikrimcə bu qaydada davam edərsə pərakəndə internet bazarında dövlətin xüsusi çəkisi ilə bağlı müəyyən ciddi risklər yaranacaq. Əlbəttə, güman etmək olar ki, yaxın zamanlarda digər özəllər də bu prosesə qoşulacaqlar".
Osman Gündüz bildirib ki, yeni yaranan tənzimləyici qurum, İKT Agentliyi bu məsələyə xüsusi diqqət yetirməlidir. Əgər hər hansı digər özəl provayderlər dövlət-özəl tərəfdaşlığı çərçivəsində bu prosesə cəlb olunmasalar onda pərakəndə internet bazarında dövlətin xüsusi çəkisi 75%-dək yüksələ bilər ki, fikrimcə bu normal bir vəziyyət deyil.
"Hazırda ölkə daxili magistarl infrastrukturda dövlətlə yanaşı Delta Telekom və Azertelecom-un da şəbəkəsi fəaliyyət göstərir.
Dövlətin magistarl xətlərdə, əsas infarstrukturda xüsusi yerinin olması qazçılmazdır və anlaşılandır. Ümid edirəm İKT Agentliyi bu sektorda rəqabətli mühit yaradacaq. Amma pərakəndə internet bazarında dövlətin xüsui çəkisnin hədsiz yüksək olması, fikrimcə rəqabət və inkişaf üçün ciddi əngəllər yarada bilər.
Odur ki, fikrimcə İKT Agentlıiyi dövlət-özəl tərəfdaşlıq formatında daha çox özəl provayderlərin iştirakına, dövlətə məxsus rabitə resurslarından provayderlərin bərabər əsaslarla istifadəsinə və rəqabətli mühitin formalaşmasına daha çox diqqət yetirməlidir".
