STARTAP AZƏRBAYCAN

Məlumat verdiyimiz kimi, Startap Azərbaycan 2016 müsabiqəsinə qeydiyyat başa çatıb.

Belə ki, müsabiqəyə qeydiyyat martın 1-dən aprelin sonuna qədər aparıldı.

Startap Azərbaycanın Təşkilat Komitəsindən Xeberler.az-a verilən məlumata görə, bu il müsabiqəyə ümumilikdə 45 layihə müraciət edib.

Qeyd edək ki, Startap Azərbaycan TK-nın qərarına görə bu il yalnız fəaliyyətdə olan, ilkin versiyası hazır olan layihələr (saytın və ya mobil tətbiqin demo versiyası olan, yalnız ideyadan, prototipdən ibarət olmayan layihələr) müsabiqədə iştirak edə bilərdi.

Həmçinin Startap Azərbaycan Təşkilat Komitəsi elan etmişdi ki, qeydiyyatdan keçən layihələr ekspertlərin qiymətləndirməsi məqsədilə startapları barədə ətraflı məlumat əlavə etməlidir.

Məlumata görə, bu mərhələdən bəzi startaplar keçə bilməyib. TK-nın bunun üçün müəyyən etdiyi müddətdə bəzi layihələr məlumatı yükləməyib.

TK bildirir ki, bu qaydalara uyğun olan 20 startap layihəsi müsabiqədə iştirak hüquqi qazanıb.

Startap Azərbaycan 2016 müsabiqəsində iştirak hüquqi qazanan layihələri təqdim edirik:

1. Ustam
2. GoTrip.az
3. FoodLook
4. Wibeme
5.  WebCamTV.WebCam  
6.  OfferBee 
7. Barille Pad
8. Qənaət
9. BUSINESSET
10. Edu-map.org
11. Wellbring Shopping Center
12. YOL Sosial Şəbəkəsi
13. MAQAZİN.mobi Sayti Haqqinda
14. e-book.az
15. Velesopedini paylaş! - Share your bike!
16. IBeWe sosial şəbəkəsi
17. MC market
18. SMARTAPPP -Endirimli alış-veriş və Mobil ticarət
19. Tələbə Kitabxanası
20. A Question

Layihələr barədə daha ətraflı burada.

TK-dan verilən məlumata görə, artıq layihələr 1-ci mərhələ qiymətləndirmə üçün ekspertlərə göndərilib.

Startapların 1-ci mərhələ qiymətləndirməsində Startap Azərbaycan Ekspert Komissiyasının 11  ekspertinin iştirakı nəzərdə tutulub:

-Vahid Qasımov   

-Coşqun Kərimov 

-Vüqar Əliyarov

-Cavid Nadirov

-Rəşad Camal 

-Rəşad Əliyev

-Vaqif Abbasov

-Elşad Yusifli

-Qərib Mehdiyev

-Fərid  Kazımov

-Adil Əliyev  

Ekspertlər startap komandaları tərəfindən təqdim edilən layihə məlumatları əsasında layihənin  ideyası və davamlılığı, cəlbedici olması, riskləri,  gəlirliliyi, əhatə dairəsi, komandanın təcrübəsi  və s. istiqamətlər üzrə təhlil edərək ilkin qiymətləndirmə aparacaqlar.

Ekspertlərin qiymətləndirməsinin nəticələrinə əsasən, Startap Azərbaycan TK-nın qərarı ilə yarımfinalçılar seçiləcək və seçilən layihələr  Startap Azərbaycan yarışmasında mübarizəni davam etdirmək statusu qazanacaqlar.

Ekspertlərə qiymətləndirmə üçün 10 gün vaxt verilib. Qiymətləndirmə 10 ballıq sistem ilə aparılır.

Qeyd edək ki, yarımfinalçılar seçildikən sonra 2-ci mərhələ qiymətləndirmə prosesi başlayacaq və bu mərhələdə  onlar ekspertlər qarşısında qısa müddətli təqdimatlar edəcəklər. Bu qiymətləndirmənin nəticələri əsasında  Startap Azərbaycan 2016  finalçıları müəyyən olunacaq.

Qaliblərin təqdimatının, həmçinin Startap Azərbaycan yekun təqdimat mərasiminin və ənənəvi Startap Azərbaycan milli konfransının, finala çıxan startaplarla investorların qapalı görüşünün may ayının sonunda keçirilməsi planlaşdırılır.

Startap Azərbaycan layihəsinin əsas məqsədi milli startupların üzə çıxarılması və inkişafına dəstək vermək, bu istiqamətdə maarifçilik işləri həyata keçirmək, ölkədə internet biznes mühitini yaxşılaşdırmaq, investorların bu sahəyə diqqətini artırmaq və innovativ ideyaların uğurlu biznes sahəsinə çevrilməsinə yardım etməkdir.

Startap Azərbaycan Layihəsinə Rabitə və Yüksək Texnologiyalar Nazirliyi , İT-nin İnkişafı Dövlət Fondu və Yüksək Texnologiyalar Parkı dəstək verir.

Startap Azərbaycan-ın Akademik partnyoru ADA Universitetidir.

ATL Group, SİNAM, Neuron Technologies, SUP Accelerator, NEXT STEP İnnovasiya Mərkəzi və Cybernet şirkətləri Startap Azərbaycan-a dəstək verir və sponsorluq edirlər. 

Məltəm Talıbzadə