Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

Bakıda 20 məktəbə kameralar quraşdırılacaq

14.02.2009 [11:08]

Fontu böyüt:

Elektron məktəb layihəsinin tətbiqi üçün 18 milyon yarım manat ayrılıb

Bakının 20 orta məktəbinə xüsusi kameralar quraşdırılacaq. Bu barədə Təhsil Nazirliyi nəzdində təsərrüfat hesablı Təhsil Sisteminin İnformasiyalaşdırılması İdarəsinin rəisi Samir Məmmədov məlumat verib. Onun sözlərinə görə, bununla da sinif otaqlarında keçirilən bütün dərslər, həmçinin müəllim-şagird münasibətləri birbaşa Təhsil Nazirliyinin nəzarətində olacaq.

«2008-2011-ci illərdə Azərbaycan Respublikasında təhsil sisteminin informasiyalaşdırılması üzrə dövlət proqramı» çərçivəsində nəzərdə tutulan pilot məktəblərə kameraların quraşdırılması gözlənilən nəticəni versə, digər paytaxt və rayon məktəblərində də bu sistemə qoşulacağı planlaşdırılır. Artıq kameraların quraşdırılacağı məktəblərin əksəriyyətinə avadanlıqlar alınıb. Layihənin həyata keçirilməsinə isə dövlət büdcəsindən ötən il 8 milyon yarım manat ayrılmışdısa, bu il elektron məktəb layihəsinin tətbiqi üçün 18 milyon yarım manat ayrılıb.
Valideyn və şagirdləri elektron məktəb layihəsi çərçivəsində daha bir maraqlı yenilik gözləyir. Samir Məmmədovun sözlərinə görə, artıq şagirdlərin aldığı qiymətləri valideynlər birbaşa internetlə öz iş yerlərində və evlərində görə biləcəklər.

Elektron məktəb layihəsində eyni zamanda elektron lövhələr də quraşdırılacaq. Artıq həmin lövhələrdən istifadə edən məktəblər var. Elektron lövhələri adi yazı taxtasından fərqləndirən cəhət isə burada şagird və müəllimlərin yazdıqları yazıların kompüterin yaddaşına verilməsidir. Şagirdlər həmin tapşırığı evdə də açıb oxuya biləcəklər. Bu avadanlıqlardan istifadə etmək üçün müəllim və şagirdlər üçün xüsusi təlim kursları da keçirilir. Belə ki, 2005-2008-ci illər ərzində 20 minə yaxın müəllim artıq təlim kursları keçib.

Qeyd edək ki, paytaxtın iki məktəbində, Avropa litseyi və 23 saylı orta məktəbdə elektron məktəb layihəsinin cüzi bir hissəsi artıq tətbiq olunmağa başlayıb və yaxşı nəticə əldə olunduğu bildirilir. Ötən il 10 məktəbə kamera quraşdırılması nəzərdə tutulurdusa, bu il elektron məktəb layihəsinə daha 10 təhsil müəssisənin qoşulması qərara alınıb./ANS TV/

xeberler.az

Oxunub: 1 dəfə