Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

Avropa İttifaqı ölkələri rouminqdə SMS və zənglərin tariflərini azaldıb

01.07.2009 [18:17]

Fontu böyüt:

Bu gündən etibarən Avropa İttifaqı ölkələri ilə rouminqdə SMS və zənglərin tarifləri endirilib.

APA-nın məlumatında görə tariflərin məhdudlaşdırılması ilə bağlı qərar apreldə Avropa Parlamentinin Strasburqda keçirilən iclasında qəbul olunub.

Beləliklə, Avropa İttifaqı məkanında rouminqdə çıxış zənglərinin 1 dəqiqəsinin maksimal qiyməti 0,43 avro, daxil olan zənglərin 1 dəqiqəsinin maksimal qiyməti isə 0,19 avro təşkil edəcək. Gələn ilin iyulun 1-dən etibarən rouminqdə çıxış zənglərinin 1 dəqiqəsinin maksimal qiyməti 0,39 avro, daxil olan zənglərin 1 dəqiqəsinin maksimal qiyməti 0,15 avro, 2011-ci ilin iyulun 1-dən isə rouminqdə çıxış zənglərinin 1 dəqiqəsinin maksimal qiyməti 0,35 avro, daxil olan zənglərin 1 dəqiqəsinin maksimal qiyməti 0,11 avro təşkil edəcək. Bütün qiymətlər ƏDV-siz hesablanıb.

Bununla belə, bu gündən mobil rabitə operatorları saniyə hesabı tarif təyin etməlidir, lakin onlara zəngin minimal qiymətini 30 saniyənin qiyməti səviyyəsində müəyyən etməyə icazə verilir.

Bundan başqa, rouminqdə SMS-in maksimal qiyməti 0,11 avro (ƏDV-siz) olmalıdır. Sənəd həmçinin «Mobil internet» adlanan xidmətdən rouminqdə bir Mb-nın istifadəsinin maksimal tarifi bu gündən 1 avro, 2010-cu ilin iyulun 1-dən 0,80 avro, 2011-ci ilin iyulun 1-dən – 0,50 avro səviyyəsində təyin edilib.

Məlumat üçün bildirək ki, Azərbaycanda beynəlxalq danışığın 1 dəqiqəsinin qiyməti operatordan və ölkədən asılı olaraq 0,30-0,70 AZN (0,36-0,84 ABŞ dolları) diapazonunda dəyişir. SMS-ə gəldikdə, bu göstərici ərazidən asılı olmayaraq 0,05 AZN təşkil edir. Bu tarifləri təhlil edərək, demək olar ki, Azərbaycanda mobil rabitə tarifləri Avropa operatorlarının tariflərindən müsbət tərəfdən fərqlənir. Lakin mobil-internet xidmətlərinin tarifləri gələcəkdə endirim tələb edir.

xeberler.az

Oxunub: 1 dəfə