Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

Milli Net 2010 - Milli İnternet Mükafatı uğrunda Müsabiqənin Nominatları seçilib

23.11.2010 [17:01]

Fontu böyüt:

Milli Net 2010 - Milli İnternet Mükafatı uğrunda Müsabiqədə qeydiyyat prosesi və səsvermənin 1-ci mərhələsi başa çatib.

Milli Net 2010-a start veriləndən qeydiyyat prosesi başa çatanadək 2300 istifadəçi millinet.az saytında qeydiyyatdan keçib və 437 sayt Müsabiqəyə təqdim edilib.

Onlardan 309 sayt Müsabiqəyə qəbul edilib, 128 sayt isə Müsabiqənin şərtlərinə uyğun gəlmədiyinə görə müsabiqəyə buraxılmayıb.

Müsabiqəyə buraxılmamağın əsas səbəbləri bu saytlarda qanunvericiliyə uyğun olmayan informasiyaların yerləşdirilməsi, müəllif hüquqlarının pozulması, Azərbaycan dili versiyasının olmamasıdır.

Təşkilat Komitəsinin müəyyən etdiyi Moderatorlar tərəfindən bu saytlara yazılan şərhlərdə imtinanın səbəbləri qeyd edilib və sayt sahiblərinə bu haqda məlumat verilib. Qeydiyyat müddətində problemləri aradan qaldıran saytların qeydiyyatına yenidən baxılıb.

İnternet istifadəçilərinin münasibət bildirməsi üçün millinet.az da şərh yazmaq imkanı yaradılıb və indiyədək 2500 – dən çox şərh yazılıb. “Tez-tez verilən suallar” bölməsində yetərli izahedici məlumatlar yerləşdirilib.
Ötən müddət ərzində Təşkilat Komitəsinə Müsabiqənin gedişi ilə, şərhlərin məzmunu ilə bağlı bir neçə şikayət və müraciətlər daxil olub. Bütün Müraciətlərə fərdi qaydada TK tərəfindən baxılıb və Əsasnamənin tələblərinə uyğun olaraq həll olunub. Müsabiqə qaydalarını pozduğuna görə yalnız bir nəfər Müsabiqədən kənarlaşdırılıb.

Dizayn, Məzmun və Texniki-texnoloji istiqamətlər üzrə formalaşdırılan 15 nəfərlik Səsvermə Komissiyası üzvündən 13 nəfəri 1-ci mərhələdə saytların qiymətləndirməsin də iştirak edib. İki nəfər münsif onlara aid olan saytların səsvermədə iştirakı səbəbindən Səsvermə Komissiyasından azad edilib.

Səsvermənin 1-ci mərhələsinin yekununda 14 Nominasiya üzrə ən yaxşılar olan 75 sayt Nominant statusu alıb.

Hazırda səsvermənin 2-ci mərhələsi başlayıb. Münsiflər heyəti 04 dekabr tarixədək Nominantlar arasından hər nominasiya üzrə qalib saytları müəyyən edəcəklər.

Təşkilat Komitəsi tərəfindən hazırda qaliblərin mükafatlandırılmasına hazırlıq işləri görülür.
Bu ilki Müsabiqədə yalnız hər Nominasiya üzrə 1-ci yerlərin qaliblərinə Müsabiqənin əsas Mükafatının - tuncdan hazırlanmış, 5 kq. ağırlığında və 30 sm. hündürlüyündə hörümçək toru formasında butanın verilməsi nəzərdə tutulub.

Milli İnternet Mükafatının yekun Təqdimat mərasiminin 04 dekabr tarixində keçirilməsi nəzərdə tutulub.

Milli Net-2010 Müsabiqəsinə Azercell, DeltaTelekom və HP şirkətləri dəstək verirlər.

Daha geniş məlumat www.millinet.az saytında yerləşdirilib.

Milli Net
Təşkilat Komitəsi
www.millinet.az
492-4444

Oxunub: 1 dəfə