Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

Azərbaycanda internetin keyfiyyəti sizi qane edirmi? (SORĞU)

18.09.2010 [13:31]

Fontu böyüt:

Son dövrlər ən çox müzakirə olunan məsələlərindən biri Azərbaycanda internetin vəziyyətdir. Cəmiyyət içində bu məsələylə bağlı müxtəlif fikirlər var. Bu məsələni hər zaman gündəmdə saxlayan Xeberler.az saytı Azərbaycanda internetin keyfiyyəti ilə bağlı sorğu keçirib. Sorğuda iştirak gənclərin fikirlərini sizlərə təqdim edirik...

Son dövrlər ən çox müzakirə olunan məsələlərindən biri Azərbaycanda internetin vəziyyətdir. Cəmiyyət içində bu məsələylə bağlı müxtəlif fikirlər var.

Bu məsələni hər zaman gündəmdə saxlayan Xeberler.az saytı Azərbaycanda internetin keyfiyyəti ilə bağlı sorğu keçirib. Sorğuda iştirak gənclərin fikirlərini sizlərə təqdim edirik...

Əhməd Heybətov (Reportyorların Azadlığı və Təhlükəsizliyi İnstutu (RATİ), operator:

“Azərbaycandakı internetin keyfiyyəti demək olar ki, bütün provayderlerdə eynidir. Xarici ölkələrin internetlərindən istifadə etməmişəm. Ancaq, eşitdiyimə görə bizdəki internetin keyfiyyəti qonşu Gürcüstanla müqayisədə daha bərbaddır. İnternetin paylanmasında sağlam rəqabət olarsa, sahibkarlar investisiya qoymaqla yeni texniki avadanlıqlar almaqla, bu və digər texniki məsələləri həll etmiş olarlar. Bu da dolayısı ilə internetin keyfiyyətinin yüksəlməsinə səbəb olar”.

Ferid Mirzəyev (jurnalist) :

«Hər halda, dünya reallığına nəzər salanda, Azərbaycanda keyfiyyətdən söhbət belə gedə bilməz».

Nərmin Nöqtə, (Alma qəzeti, jurnalist) :

«İşimlə bağlı olaraq, günümün çox hissəsini internetdə keçirirəm. İnternet resurslarının axtarışı, audio və video xəbərlərin izlənilməsi, sosial şəbəkələrlə iş - bunların vaxtından daha tez əldə olunması üçün, internet sürətim mənə heç də imkan yaratmır. Çünki, provayderlər mərkəzdən idarə olunur - vahid "əl"də cəmləşir. Nəticədə, 2 istifadəçi üçün nəzərdə tutulan sürətlə 7-8 istifadəçi işini görməli olur. Bu da keyfiyyəti bir xeyli aşağı salır. İnternetdən istifadənin qiyməti ucuzlaşdırılsa da, keyfiyyətə əncam çəkilmədiyindən, dəyişən bir şey yoxdur. Zəif sürət 1 saata görülən işi, 2 saata qaldırır. Buna görə də qiymətdən çox, provayderlərin təmərküzləşməsinin qarşısı alınmalıdır. Azad rəqabətə imkan yaradılmalıdır. Yaradılmalıdır ki, istifadəçilər də, işini normal görə bilsin».

Ceyhun Əhmədov (Proqnoz.az saytının redaktoru ) :

«Nə sürətdən, nə də qiymətdən razı deyilem. Azərbaycanda internetin qiyməti qonşu dövlətlərdən qat-qat yuxarıdı. Bundan başqa göstərilən sürət heç bir provayder tərəfindən tam verilmir.1 mb sürət yazırlarsa ən çoxu 700 kb sürət verirlər».

Toğrul Gülgəzli (Blogger) :

«Şəxsən mən özümü Azərbaycandakı internetin keyfiyyətindən razı olan insanlar qrupuna aid etməzdim. Çünki, sürətli internet ölkə ərazisində elə də yayılmayıb, yalnız Bakıda müəyyən qədər yayılmasının şahidi ola bilərik. Məncə bunun səbəbi hər şeydən əvvəl bölgələrdə sürətli internet çəkmək üçün uyğun şəraitin olmaması və əlbəttə ki, internetin baha olmasından asılıdı. Bütün bunları nəzərə alaraq, demək istərdim ki, Azərbaycandakı internetin keyfiyyəti digər qonşu ölkələrə nəzərən çox bərbad vəziyyətdədir».

Göründüyü kimi gününün əksər hissəsini internetdə keçirən insanlar internetin keyfiyyətindən razı deyillər. Belə olan təqdirdə Rabitə Nazirliyinin hansı əsasla İnternetin keyfiyyətinə görə Azərbaycanı regionda lider hesab etməsi maraq doğurur.