Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

Milli Onkologiya Mərkəzinin veb-saytı istifadəyə verilib

25.02.2011 [21:22]

Fontu böyüt:

Dünyada xərçəng xəstəliyinə tutulanların sayı ilbəil artmaqdadır. Hazırda dünya üzrə qeydiyyata alınan 60 milyon onkoloji xəstə var. Təsadüfi deyil ki, hər il fevralın 4-ü xərçəng xəstəlikləri ilə Ümumdünya Mübarizə Günü (World Cancer Day) kimi qeyd olunur. Oktyabr ayı isə dünyada süd vəzisi xərçənginə qarşı beynəlxalq mübarizə aylığı elan edilib. Bu aksiya cəmiyyəti maarifləndirməklə yanaşı, həm də ictimaiyyətin diqqətini sözügedən xəstəliyə yönəltmək məqsədi daşıyır.

Onkoloji Xəstəliklərlə Mübarizə üzrə Beynəlxalq Birliyin ekspertlərinin hesabatına əsasən, insanlar infeksiyalardan qoruna bilsələr və həyat tərzlərini dəyişmək üçün özlərində güc tapsalar, hər il rast gəlinən 12 milyon xərçəng xəstəliklərinə yoluxma hallarının 40 faizini aradan qaldırmaq mümkün olar.

Mövcud onkoloji xəstəliklərin cəmində süd vəzisi xərçəngi birinci yerdədir, hər il bu xəstəliyə bir milyona yaxın qadın mübtəla olur, yarım milyona yaxını isə dünyasını dəyişir.

Mütəxəssislər belə hesab edirlər ki, müalicənin effektivliyi xəstəliyin ilkin dövrdə müayinə edilməsindən çox asılıdır. Bütün dünyada süd vəzisi və uşaqlıq yolu xərçənginin erkən müayinəsini təşkil etmək üçün dövlət əhəmiyyətli proqramlar hazırlanır. Bu istiqamətdə ölkəmizdə də mühüm işlər həyata keçirilir. Milli Onkologiya Mərkəzi əməkdaşları tərəfindən xəstəlik dərəcəsinin aşağı salınması məqsədi ilə səyyar müayinələr keçirilir. Azərbaycanda skrininqlərə, yəni əhalinin vaxtaşırı müayinədən keçirilməsi üçün maarifləndirmə işlərinə ehtiyac duyulur.

AR Səhiyyə Nazirliyi Milli Onkologiya Mərkəzinin yeni istifadəyə verilən www.onkologiya.az saytı bu istiqamətdə daha bir addımdır. Saytda Milli Onkologiya Mərkəzinin yaranma tarixi, xəbərlər, rəhbərlik, klinik və diaqnostik şöbələr haqqında məlumatlar, elmi məqalələr, mərkəzlə əlaqə vasitələri də əks olunub. Saytda onkoloji xəstələrə dövlət hesabına verilən şiş əleyhinə həyatı vacib və digər dərman preparatlarının siyahısı da yerləşdirilib. Siyahıda 229 dərman və dərman preparatının adı qeyd edilib.

Burada ümumi onkologiya, ultrasəs diaqnostika, şüa diaqnostikası və terapiyası, səyyar diaqnostika kompleksi, reanimasiya şöbəsi, radionuklid diaqnostika laboratoriyasi və kimyaterapiya şöbələrinin fəaliyyəti haqqında məlumat əldə etmək olar.

“Azərbaycan onkologiya və hematologiya” jurnalının müxtəlif illərə dair sayları da eyniadlı bölmədə yerləşdirilib. Bundan əlavə dünyanın dinamik inkişaf edən səhiyyə şirkəti kimi nüfuz qazanmış, 1 əsrdən artıqdır ki, böyük uğurlara imza atan F.Hoffmann-Lya Roş Ltd haqqında da ətraflı məlumat verilib. Şirkətin ölkəmizdəki nümayəndəliyi ilə əlaqə ünvanları yerləşdirilib.

//ict.az

Oxunub: 1 dəfə