Çin mətbuatının məlumatına əsasən, yazıçılar “Apple Store”da kitablarının qeyri-qanuni olaraq endirildiyini bildiriblər
Doqquz çinli yazıçının Apple şirkətinə açdıgı 11,91 milyon yuanlıq müəllif haqqı barədə məhkəmə iddiası qəbul edildi. Çin mətbuatının məlumatına əsasən, yazıçılar “Apple Store”da kitablarının qeyri-qanuni olaraq endirildiyini bildiriblər.
Müəllif hüquqlarını qoruyan qurumun rəhbəri Bey Cıçıng, “Şanghay” səhər qəzetinə verdiyi açıqlamada bildirib ki, Apple ölkədə ən böyük qeyri-qanuni kitab yükləməsi və satışını həyata keçirən internet şirkətidir.
Bunu oğurluq kimi xarakterizə edən Bey, yazıçılar birliyini Apple şirkətinə Çin qanunlarına əməl edərək Apple Store-da satılan kitablara müəllif sertifikartını təmin etməyə çağırıb.
Bey, Çində 20 milyon insanın Apple Store vasitəsi ilə Apple-ın məhsullarından istifade etdiyini ancaq bu insanların çoxunun Apple-ın “kitab nüsxələrinin qeyri qanuni satıldığı platforma” olduğunu bilmədiyini iddia edir.
Apple-ın qanuni kitab bazarına təsirindən danışan Bey, kitabların qeyri qanuni snüsxələrinin Apple Store-dan milyonlarla dəfə yüklənildiyini və bunun müəlliflərə milyonlarla dollar ziyan vurduğunu bildirib.
Çinin tanınmış yazıçıları Han Han, Li Çıngpıng və Murong Şüeçünün də aralarında olduğu 9 yazıçı Apple-nı qeyri-qanuni olaraq 37 əsərin satışında günahlandırırlar.
Çinin ən böyük axtarış saytı olan “Baidu” bu cür etirazlara görə 2 milyon 800 min icazəsiz ədəbi əsəri silib.
xeberler.az/Samir
İNFORMASİYA VƏ KOMMUNİKASİYA TEXNOLOGİYALARI PORTALI
21.04.2012
HTC bundan sonra klaviaturalı model çıxarmayacaq
