Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

"Bu gün kabel televiziyası sahəsində qanunvericilikdə ciddi boşluq mövcuddur"

03.12.2010 [20:26]

Fontu böyüt:

"AG Telekom" (KATV1 kabel televiziyasının təsisçisi) şirkətinin və Azərbaycan Kabel Operatorları Assosiasiyasının (AKOA) prezidenti Samir Qurbanovla müsahibəsi... - Azərbaycanda Kabel Operatorları Assosiasiyası yaradılıb. Onun təsisçilərindən biri "AG Telekom" şirkətidir. Azərbaycanda bu təşkilatın yaradılması kabel televiziyası operatorları qarşısında hansı perspektivləri açır? - Bu gün Azərbaycanın kabel televiziyası bazarında 14 şirkət fəaliyyət göstərir ki, onlardan yalnız təxminən beşi nisbətən daha fəaldır.

"AG Telekom" (KATV1 kabel televiziyasının təsisçisi) şirkətinin və Azərbaycan Kabel Operatorları Assosiasiyasının (AKOA) prezidenti Samir Qurbanovla müsahibəsi...

- Azərbaycanda Kabel Operatorları Assosiasiyası yaradılıb. Onun təsisçilərindən biri "AG Telekom" şirkətidir. Azərbaycanda bu təşkilatın yaradılması kabel televiziyası operatorları qarşısında hansı perspektivləri açır?

- Bu gün Azərbaycanın kabel televiziyası bazarında 14 şirkət fəaliyyət göstərir ki, onlardan yalnız təxminən beşi nisbətən daha fəaldır. Sevindirici haldır ki, Azərbaycanın kabel televiziyası bazarının bütün oyunçuları öz aralarında ümumi dil tapırlar və operatorlar arasındakı qarşılıqlı münasibətlərdə bazarın bu seqmentinin inkişaf mərhələlərində Gürcüstan, Rusiya və digər ölkələrdəki kimi çəkişmələr müzakirə olunmur.

Buna baxmayaraq, Azərbaycanın kabel televiziyası bazarında müsbət tendensiyalardan asılı olmayaraq, Kabel Operatorları Assosiasiyasının yaradılmasına ehtiyac yarandı.

Bu gün bir çox hüquq mülkiyyətçiləri hər bir şirkətlə ayrı-ayrılıqda danışıqlar aparmaqdansa, bir nümayəndəliklə danışıqlar aparmağa maraq göstərirlər. Məhz bu AKOA-nın təsis olunduğu zaman ən mühüm aspektlərdən biri oldu. Hələlik yeni təsis olunan assosiasiyanın tərkibinə iki şirkət daxildir, lakin mən ümid edirəm ki, AKOA sıralarına daxil olmaq çağırışımı digər operatorlar da dəstəkləyəcəklər. Şübhəsiz ki, burada söhbət təkcə kabel televiziyası operatorlarından getmir. Assosiasiyanın tərkibinə kanalların hüquq mülkiyyətçiləri, internet-servis provayderləri, bir sözlə, Azərbaycanın telekommunikasiya bazarının bütün oyunçuları daxil ola bilərlər.

Bu gün artıq assosiasiyanın sıralarına daxil olmaqda maraqlı tərəflər var. Bu gün, bizim başqa ölkələrin təcrübəsini öyrəndiyimiz bir vaxtda belə birliyin və qarşılıqlı konsepsiyanın yaradılması üçün yaxınlaşma zəruriliyi hiss olunur.

- Məlumdur ki, bu gün Azərbaycanda kabel televiziyası haqqında qanun olmadığı kimi, onların fəaliyyətini nizamlayan vasitələr də yoxdur. AKOA bu sahədə normativ-hüquqi bazanın formalaşmasında hansı rolu oynaya bilər?

- Həqiqətən də bu gün kabel televiziyası sahəsində qanunvericilikdə ciddi boşluq mövcuddur ki, bunu Milli Televiziya və Radio Şirkəti (MTRŞ) də etiraf edir.

Bu gün Azərbaycanın televiziya və radio yayımı üzrə qanunvericiliyində olan bəndlər bilavasitə yaranma tarixi bir neçə on il olan efir kanallarına aiddir, halbuki yaxın perspektivdə Azərbaycanda rəqəmli televiziyaya keçid başa çatır.

Bu gün, məlum olduğu kimi 2012-ci ildə başa çatmalı olan rəqəmli televiziya formatına keçidlə bağlı arzuolunmaz məqamlardan qaçmaq üçün Azərbaycan üçün vacib məsələ əhalini buna hazırlamaq, yəni son istifadəçidə rəqəmli kontentdən istifadə cihazlarının (dekoderlər) olmasıdır. Güman edirəm ki, assosiasiya çərçivəsində digər ölkələrlə qarşılıqlı fəaliyyət göstərməklə biz öz şəxsi təcrübəmizi artıra biləcəyik ki, bu da qanunvericiliyi təkmilləşdirməyə kömək edəcək.

Daha doğrusu, zərurət yaranarsa, biz dövlət idarələri ilə bu seqmentin təkcə lokal qlobal deyil, eləcə də qlobal xarakterdə olan problemləri üzrə təcrübəni bölüşə və izah edə biləcəyik.

- Bu gün Avrasiya Kabel Televiziyaları Assosiasiyasının yaradılması haqqında niyyət protokolu və AKOA-nın Rusiya Kabel Televiziyaları Assosiasiyasına daxil olması haqqında sənəd imzalanıb. Bu təşkilatlara üzvlük Azərbaycan qarşısında hansı perspektivləri açır?

- Biz bu gün öz bayrağı altında Belarus, Ukrayna, Latviya, Gürcüstan, eləcə də Rusiyanın regional assosiasiyalarını birləşdirən Rusiya Kabel Televiziyaları Assosiasiyasına daxil olmaq haqqında saziş imzaladıq. Bu bizə təcrübə mübadiləsində öz payını verəcək, çünki Rusiya assosiasiyası on ildən artıq təcrübəyə malikdir.

Avrasiya Kabel Televiziyaları Assosiasiyası isə mahiyyət etibarilə müstəqil strukturların assosiasiyasıdır və ümid edirik ki, o bizə təkcə regional səviyyədə deyil, həm də kifayət qədər böyük coğrafi ərazidə mövcud olan problemləri həll etməyə kömək edəcək.

mənbə: Trend

Oxunub: 1 dəfə