Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

Elektron xidmətlərin göstərilməsinə hazırlıq sahəsində problemlər var

04.11.2011 [14:05]

Fontu böyüt:

Bu gün Multimedia Mərkəzi tərəfindən “Elektron xidmətlərə keçid: mövcud vəziyyət və perspektivlər” mövzusunda Dəyirmi Masa keçirilib. Tədbirdə Multimedia Mərkəzinin direktoru Osman Gündüz mövzu ilə

04 noyabr 2011-ci il tarixdə Multimedia Mərkəzi tərəfindən “ Elektron xidmətlərə keçid: mövcud vəziyyət və perspektivlər ” mövzusunda Dəyirmi Masa keçirilib.

Tədbirdə Multimedia Mərkəzinin direktoru Osman Gündüz mövzu ilə bağlı təqdimatla çıxış edib. O, ölkədə elektron hökumət quruculuğu və xüsusilə də elektron xidmətlərin göstərilməsinə hazırlıqla bağlı müəyyən işlərin güldüyünü vurğulayıb. Bununla belə o, Prezidentin Elektron xidmətlərin göstərilməsinin təşkili haqqında 23 may tarixli Sərəncamında nəzərdə tutulan bəzi mələlərlə bağlı hələlik ictimaiyyətə heç bir açıqlama verilmədiyini bildirib. Təqdimatda Mərkəzi icra orqanları tərəfindən hansı xidmətlərin təqdim edilməsi və onların sosial əhəmiyyətliliyi məsələsinə toxunulub. Ümumiyyətlə bütün dövlət və bələdiyyə xidmətlərinin qabacadan inventarizasiyasının aparılmasının vacibliyi vurğulanıb. Hər bir dövlət qurumunda elektron xidmətlərlə bağlı məsul şəxslər və strukturların yaradılmasının, konkret büdcə bəndinin müəyyən edilməsinin vacibliyi qeyd olunub. Elektron hökumətlə bağlı hazırda həyata keçirilən Dövlət layihəsində şəffaflıq və informasiya mühitinin yetərli olmadığı qeyd olunub. Bu Layihə çərçivəsində hansı işlərin görüləcəyi, Vətəndaş cəmiyyətinin və biznes strukturlarının bu Layihəyə hansı formada töhfə verə biləcəkləri aydın deyil. Vahid Portalın , onun strukturu və işləməsi qaydalarının da hələ də hazırlanmamağından narahatçılıq ifadə olunub. Elektron xidmətlərlə bağlı ayrıca Qanun Layihəsinin hazırlanmasının vacibliyi bildirilib.

Mövzu ətrafında müzakirələr aparılıb. Müzakirələrdə AİF üzvü və İREX –in əməkdaşı Ələsgər Məmmədli , Korrupsiyaya Qarşı Mübarizə Fondunun sədri Vasif Mövsümov, yazıçı Aydın Xan, Turan İA –nın direktoru Mehman Əliyev, Delta Telekom şirkətinin texniki direktoru Rahid Ələkbərli , Milli Məclisin bölmə müdiri Yaşar Əməşov, Prezident Yanında Dövlət Qulluğu Məsələli üzrə Komissiyanın nümayəndəsi Asəf Əliyev, Sahil şirkətinin direktoru, AİF üzvü Vahid Qasımov, Təhsil Nazirliyi Təhsil Sisteminin İnformasiyalaşdırılması idarəsinin şöbə müdiri Ramil Süleymanov, Rabitə və İT Nazirliyinin nümayəndəsi Elçin Məmmədov , E-systems şirkətinin direktoru Əli Kərim və digərləri çıxış ediblər.

Çıxışlarda elektron xidmətlərə keçid və artıq göstərilən xidmətlər haqqında məlumatlar verilib. Bu istiqamətdə müəyyən addımların atıldığı qeyd olunub. Bununla belə bütövlükdə bu prosesin ləng getdiyi, bəzi məmurların bu prosesdə maraqlı olmadıqları qeyd edilib. Elektron xidmətlərə keçidlə bağlı inzibati təsirlərin gücləndirilməsi təklifi səsləndirilib. Keçid planının, onlayn ödəmə və elektron imza probleminin həllinin vacibliyi qeyd edilib. Konkret sosial həmiyyət kəsb edən və kütləvi xarakter daşıyan xidmətlərin elektron formaya keçirilməsinin vacibliyinə toxunulub. Hüquqi-normativ bazanın təkmilləşdirilməsi , elektron hökumət quruculuğu istiqamətində şəffaf və informasiyalı bir mühitin yaradılmasının zəruriliyi bildirilib.

Dəyirmi Masada dövlət qurumlarının nümayəndələri, müstəqil ekspertlər, özəl və ictimai sektorun təmsilçiləri, beynəlxalq təşkilatların nümayəndələri iştirak edib.

Geniş məlumat www.informasiya.org -da yerləşdirilib.