Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

DİN-dən xəbərdarlıq: İnternet cinayətkarlarına aldanmayın!

13.04.2009 [23:20]

Fontu böyüt:

Daxili İşlər Nazirliyi Azərbaycan vətəndaşlarını kiber cinayətkarlardan qorunmağa çağırıb.

Saxta lotoreya uduşları, alqı-satqılar nəticəsində çoxsaylı Azərbaycan vətəndaşı aldadılıb

Daxili İşlər Nazirliyi Azərbaycan vətəndaşlarını kiber cinayətkarlardan qorunmağa çağırıb.
Nazirliyin mətbuat xidmətindən bildirilib ki, vətəndaşlar son vaxtlar kibermühitdə törədilən cinayətlərin qurbanına çevrilir, malların alqı-satqısı, xidmətlərin göstərilməsi və ya işlərin görülməsi barədə internetdə gedən elanlara inanaraq onları hərtərəfli yoxlamadan külli miqdarda pullarını cinayətkarların bank hesablarına köçürürlər.

Akif Əliyev 2007-ci ilin noyabr ayında Portuqaliyada yaşayan Antonio Pedro adlı şəxsə məxsus internet saytında satışa qoyulmuş 2004-cü il istehsallı "Range Rover" markalı avtomaşını almaq üçün tələb olunan hesaba 14.000 ABŞ dolları vəsait köçürüb, lakin bu günə kimi avtomobili əldə edə bilməyib.

Cavid Abdullayev isə 2008-ci ildə "Microsoft" şirkətində 250.000 funt sterlinq məbləğində uduş kampaniyasının qalibi olması barədə elektron poçt vasitəsilə londonlu Karlos Sandos adlı vəkildən məktub, eləcə də Londondakı bankların birindən məbləğin onun hesabına köçürüləcəyi ilə bağlı zəmanət məktubu alıb. Abdullayev vəkil ilə anlaşma sənədləri əsasında onun hesabına 5.845 ABŞ dolları köçürsə də müəyyən olunmuş müddətdə və sonralar uduş barədə heç bir məlumat almayıb.

Bakı şəhər Müşfiqabad qəsəbəsinin sakini Babək İsmayılov da 2008-ci ilin aprel və may aylarında Avstraliyada yerləşən şirkətlərin biri tərəfindən guya internet vasitəsilə keçirilən lotereya oyununda qalib olması barədə aldığı məktub əsasında sənədləşmə işləri üçün müvafiq bank hesabına 4.000 ABŞ dolları məbləğində vəsait köçürüb.

Zərərçəkmişin müraciəti İnterpolun Milli Mərkəzi Bürosu tərəfindən araşdırılarkən Avstraliyada həmin adda şirkətin fəaliyyət göstərmədiyi və bu hadisənin internet fırıldaqçılığı olması müəyyən edilib.

Nizami Ələmşahovun internet saytlarının birində satışda olan kompüteri almaq məqsədilə köçürdüyü 1.200 ABŞ dolları, Xatirə Xakidanın isə mobil telefon almaq üçün köçürdüyü 370 ABŞ dolları da dələduzlar tərəfindən mənimsənilib.

Daxili İşlər Nazirliyi vətəndaşları sayıq olmağa çağırır. Nazirlikdən bildirilib ki, elektron əqdlər bağlamazdan əvvəl qanunla müəyyən edilmiş bütün tədbirlər görülməli, o cümlədən "Elektron ticarət haqqında" Qanuna uyğun olaraq, satış, xidmət və ya iş görmək təklif edən hüquqi şəxsin adı, dövlət qeydiyyatı, təşkilati-hüquqi forması, ünvanı və ya fiziki şəxsin soyadı, adı, atasının adı, ünvanı, əlaqə məlumatları (telefon, faks, internet və elektron poçt ünvanı), vergi ödəyicisinin eyniləşdirmə nömrəsi və s. məlumatların mötəbərliyi mütləq qaydada yoxlanılmalı, şübhə doğuran məqamlarda pul köçürmələri həyata keçirilməməlidir.

xeberler.az

Oxunub: 1 dəfə