İNFORMASİYA VƏ KOMMUNİKASİYA TEXNOLOGİYALARI PORTALI
Bəzi xəbərlər:

SORĞU

Cari ildə İT sahəsində baş verən aşağıdakı hadısələrin hansını daha yaddaqalan və əhəmiyyətli hesab edirsiniz ?
  • "Milli Nüvə Tədqiqatları Mərkəzi"nin yaradılması
  • “Bakutel- 2014” Yubiley sərgisi.
  • “Azersky” peykinin Azərbaycan tərəfinə verilməsi
  • İnformasiya cəmiyyətinin inkişafına dair 2014-2020-ci illər üçün Milli Strategiyanın təsdiq edilməsi
  • Azərbaycanın Beynəlxalq Telekommunikasiya İttifaqı Şurasına üzv seçilməsi
  • “Startup Azərbaycan 2014” və “Startup Günləri” tədbirləri
  • Azərbaycanda yeni nəsil şəxsiyyət vəsiqəsinin tətbiqinə başlanılması
  • Dövlət qurumalrı tərəfidnən göstərilən bütün xidmətlərin Elektron reyestrinin yaradılması
Bütün sorğular

Yazara məktub göndər

Məqalələrinin sayı:

Samir Əsədli: “Mənim namizəd olduğum dairədə heç 1% insan da internetdən istifadə etmir.”

28.09.2010 [14:34]

Fontu böyüt:      

Xeberler.az saytının lahiyəsi olan “Seçki və İKT” davam edir. Aydın Xan Əbilli və Azər Həsrətdən sonra növbəti qonağı namizədliyi 64 saylı Sabirabad ikinci seçki dairəsindən irəli sürülmüş Samir Əsədlidir.

Xeberler.az saytının lahiyəsi olan “Seçki və İKT” davam edir.

Namizədliyi 64 saylı Sabirabad ikinci seçki dairəsindən irəli sürülmüş Samir Əsədli Xeberler.az portalının suallarını cavablandırdı.

Samir bəy, seçki marafonunda internet və yeni medianın imkanlarından necə istifadə edəcəksiniz?

“Demokratiya” Siyasi Partiyalar blokuna daxil olan “Vətəndaş Həmrəyliyi” (VHP) və “Demokratik İslahatlar Partiyası” (DİP) internet mediasının imkanlarından geniş şəkildə istifadə edir. Yazılı mətbuat orqanları çox vaxt qısqanclıqdan bizim məlumatları çap etmirlər. Ancaq internet mətbuatı bizim bütün məlumatları geniş şəkildə yayımlayırlar. Seçki vaxtında da planlaşdırırıq ki, namizədlərin təbliğat, təşviqat kampaniyasında internetdən geniş istifadə edək.

Azərbaycanda internet son illərdə kütləviləşməyə başlasa da, hələ də elə insanlar var ki, internet haqda anlayışları yoxdur. Sizcə internetdəki təbliğatın effekti olacaqmı?

Hazırda dünyada qloballaşma gedir. İnformasiyanın tez bir zamanda çatdırılması, yeni texnologiyanın inkişafı internetin üstünlükləridir. İnternetdən hər bir şəxs istifadə etməlidir. Sadəcə olaraq bizdə rəsmi strukturlar əhalinin internetdən istifadəsi üçün lazımi işləri görmürlər. Elə rayonlar var ki, onun mərkəzində internet yüksək səviyyədə işləmir. Əhalinin internetdən səmərəli istifadəsi üçün müvafiq strukturlar iş görməlidirlər ondan sonra internetdəki təbliğat effektli olacaq.

Ümumiyyətlə, maraqlanmısız ki, sizin dairədən olan insanların neçə faizi internettin imkanlarından yararlanır?

 Mən namizəd olduğum dairədə heç 1% insan da internetdən istifadə etmir. Çox az bir qisim ola bilər ki, Sabirabadda internetdən istifadə etsin. Çünki elə bir şərait yoxdur ki, onlar internetə daxil olsun.

Sosial şəbəkələr və bloqlar. Sizcə təbliğat üçün hansı daha üstündür?

Təbii ki, sosial şəbəkələr də, bloqlar da təbliğat üçün daha önəmli rol oynaya bilər. Amma bizdə hər bir seçici internetin imkanlarından istifadə etmir. Əhali məlumatı qəzet səhifələrindən, televiziya ekranından alır. Bir qisim aktiv insan var ki, onlar sosial şəbəkələrdən və bloqlardan məlumat alırlar. Amma bunu hamıya şamil etmək olmaz.

İnternet portallara reklam verəcəksinizmi? Verəcəksizsə hansı şərtləri ödəyən saytlara üstünlük verəcəksiz?

Bu barədə bizə təkliflər daxil olur. Biz təbliğat, təşviqatın başlamasını gözləyirik. Hələlik planlaşdırırıq ki, hansı qəzetlərə, xəbər portallarına reklam verək. Kampaniya başlayanda bütün bunlar dəyərləndiriləcək.

Bəziləri düşünür ki, Azərbaycanda siyasi vəziyyət mürəkkəbləşsə facebook, youtube, tvitter kimi saytlara qadağa qoyulacaq. Sizcə belə bir hal ola bilərmi? Əgər olsa nə kimi tədbirlərə əl atacaqsınız?

Mən buna inanmıram. Azərbaycan Qərbə inteqrasiyası yolunu tutub. Hakimiyyət nümayəndələri demokratiyanın inkişafından, demokratik proseslərin sürətlənməsindən danışırlarsa, inanmıram belə bir addım atalar. Təbii ki, hər hansı bir şəxs sosial şəbəkədə dövlətçiliyin əleyhinə addım atarsa, onun səhifəsi bağlanmalıdır, onunla bağlı tədbirlər görülməlidir, amma bütün sosial şəbəkənin bağlanması inandırıcı görünmür.

Bu yaxınlarda deputatlığa namizədlərdən biri belə bir təklif irəli sürdü ki, seçkilərdən əvvəl virtual seçki keçirilsin. Onun fikrincə bu addım seçkiləri daha da şəffaf edər. Siz bu fikirlə razısınızmı? Sizcə belə bir şeyə ehtiyac varmı?

Bu çox maraqlı bir təklifdir. Sosial şəbəkədə sorğu keçirilərsə, bu nəticə verə bilər, amma namizədin seçilməsinə təsir edə bilməz. Bayaq dediyim kimi, bizdə əhalinin hamısı internetin imkanlarından istifadə etmir. Və bu virtual seçkinin namizədin qalib gəlməsinə mane olacağına inanmıram.

Sonda Xeberler.az portalının oxucularına nə demək istərdiz?

Baxıram sizin sayta, kollektivin əksəriyyəti gənclərdir. Arzu edirəm ki, Azərbaycanda ən oxunaqlı internet portallardan olsun və oxucular saytınızın imkanlarından geniş istifadə etsin. Xəbərləri, ən aktual xəbərləri sizin saytdan əldə etsinlər, sizə fəaliyyətinizdə uğurlar.


Oxunub: 1 dəfə

Fikirlər

Heç bir şərh yoxdur
serh yaz

Yazarlar

Fərrux İlhamoğlu

Bizi idarə edən güc: Netokratiya

Bizi idarə edən güc: Netokratiya
Sevil Rəsulzadə

Tor: şəbəkənin nəzarətindən azad olmaq imkanı

Tor: şəbəkənin nəzarətindən azad olmaq imkanı
Günel Azadə

4G mobil texnologiyası niyə ləngiyir?

4G mobil texnologiyası niyə ləngiyir?
Kamran Ədalətoğlu

Rəqəmli yayım: mərkəzdən kənarda yaşayanlar nə etsin?

Rəqəmli yayım: mərkəzdən kənarda yaşayanlar nə etsin?
İsmayıl Rafiqoğlu

Elektron Hökumət: çətinmi, ASAN-mı?

Elektron Hökumət: çətinmi, ASAN-mı?
Bütün yazarlar