Yaxud internet niyə ucuzlaşmadı?
Mütəxəsis internetin qiymətinin baha olmasında nazirliyi günahlandırdı Azərbaycanda internetin qiyməti ucuzlaşmadı.
Yaxud internet niyə ucuzlaşmadı?
Mütəxəsis internetin qiymətinin baha olmasında nazirliyi günahlandırdı Azərbaycanda internetin qiyməti ucuzlaşmadı.
Virtualaz.org saytı xəbər verir ki, bu barədə Azərbaycan İnternet Forumunun prezidenti, “Multimedia” İnformasiya Sistemləri və Texnologiyaları Mərkəzinin direktoru Osman Gündüz sosial şəbəkədə bildirib.
O.Gündüz yazıb ki, internet istifadəçilərinin “köhnə texnologiyalar”la “çəkidə aldadılması” və “yalançı trafikin” müştərilərə baha qiymətə satılması davam edir: “Aprelin 1-dən internet qiymətlərinin endirimi gözlənilirdi. Görünür, zarafat imiş Deyəsən, nazirliyin internetin qiymətlərinin endirilməsi üçün dövlət provayderlərinə gücü çatmadı.
Güman ki, adi bir dövlət provayderinin aylıq gəlirinin milyonlarla ölçülməsi buna imkan vermədi. Digər İSP-lərə də bu situasiya çox sərf edir. Həm də axı problemi həll etməli olan dövlət qurumunun burada öz kommersiya maraqalrı var.
Əlbəttə, hər ötən ay milyonlar deməkdir. Kim bundan asanlıqla əl çəkmək istəyər ki? Yüz minlərlə insanı “çəkidə aldadaraq”, əslində faktiki mövcud olmayan “heç nə” ilə edilən biznes gözəldir. Özü də qonşu ölkələrlə müqayisədə hədsiz baha qiymətə olarsa…
Gərək, bu cür kütləvi fırıldağın üstünü açmaq üçün yuxarıdan təpki olsun. Mütləq yuxarıdan kimsə deməlidir ki, nə üçün Gürcüstan interneti bizdən alıb su qiymətinə öz vətəndaşlarına sata bilir, amma bizdə ondan bahadır?
Əksinə, hətta artıq məlumaltlar verilir ki BTRİB-də daha bir dövlət provayderi - Bakİnternet 2 yaradılır.
Ümumiyyətlə, kommersiya və tənzimləmə səlahiyyətlərini də özündə cəmləşdirən nazirlikdən internet bazarında çevik və effektiv tənzimləməni, dövlət provayderlərinə təsir etməklə internet bazarın tənzimlənməsini və ya dövlət provayderlərinin özəlləşdirilməsini, internet bazarında normal rəqabət mühitinin yaradılmasını da gözləmək düzgün olmazdı. Qurumun qanuni kommersiya maraqları var internet bazarında.
Ümid edək ki, yeni adla fəaliyyət göstərəcək Rabitə və Yüksək Texnologiyalar Nazirliyinin əsasnaməsində kommersiya səlahiyyətləri olmayacaq, tənzimləmə səlahiyyətləri isə digər müstəqil dövlət qurumuna veriləcək”.
İNFORMASİYA VƏ KOMMUNİKASİYA TEXNOLOGİYALARI PORTALI
21.04.2012
HTC bundan sonra klaviaturalı model çıxarmayacaq
