22 noyabr 2024
İNFORMASİYA VƏ KOMMUNİKASİYA TEXNOLOGİYALARI PORTALI
İNFORMASİYA VƏ KOMMUNİKASİYA TEXNOLOGİYALARI PORTALI
21.04.2012
HTC bundan sonra klaviaturalı model çıxarmayacaq18.04.2012
Samsung və Apple CEO-ları görüşəcək17.04.2012
.@Azercell də Zero Facebook xidmətini istifadəyə verdi17.04.2012
Foursquare 20 Milyon istifadəçiyə çatdı16.04.2012
Samsung Galaxy S3, 3 Mayda tanıdılacaq13.04.2012
Yenilənən LiveTV.az və online yayımlar.12.04.2012
"Google Plus" dizaynını dəyişir11.04.2012
"Azerfon-Vodafone" bağlandı (?)11.04.2012
GoMap.az bazasında Gürcüstanın elektron xəritəsi yaradılmışdır11.04.2012
"Chrome OS" yeniləndi
Fontu böyüt:
Bu gün “İnformasiya Cəmiyyətinin Jurnalisti” Layihəsinin yekunlarına həsr olunan Təqdimat mərasimi keçirilib.
RİTN-nin şöbə müdiri Rüfət Gülməmmədov tədbiri açaraq ölkədə informasiya cəmiyyəti quruculuğu sahəsində gedən proseslər və qeyd olunan Layihənin bu sahədəki rolu haqqında məlumat veriblər.
Layihənin koordinatoru , AİF-in prezidenti Osman Gündüz “İnformasiya Cəmiyyətinin Jurnalisti” Layihəsinin yekunları ilə bağlı məlumat verib. O, Layihə çərçivəsində Jurnalistlər üçün İnformasiya Cəmiyyəti quruculuğu sahəsi ilə əlaqəli 20 məşğələnin keçirildiyini bildirib. Məşğələlərin ölkənin İKT və media sahəsində ən tanınmış 15 mütəxəssisi tərəfindən keçirildiyi bildirilib. O , həmçinin Layihə çərçivəsində “İnformasiya cəmiyyətinin jurnalisti” və “İnformasiya cəmiyyətinin KİV-i” nominasiyaları üzrə Müsabiqənin keçirildiyini qeyd edib. Birinci nominasiya üzrə Müsabiqəyə 17 Jurnalist tərəfindən yazı təqdim olunduğu, 2-ci nominasiya üzrə İnformasiya Cəmiyyəti quruculuğuna daha çox yer ayıran 15 Azərbaycan dilli qəzetlərin monitorinqinin aparıldığını qeyd edib. Hər iki nominasiya üzrə nəticələrin tanınmış media və İKT ictimaiyyətinin nümayəndələrindən ibarət olan Münsiflər Heyəti tərəfindən qiymətləndirildiyini vurğulayıb.
HP şirkətinin nümayəndəsi Rasim Bəxşi və ULTRA şirkətinin nümayəndəsi Zaur Məmmədzadə çıxış edərək bu tip Layihələrin ölkədə İnformasiya Cəmiyyəti quruculuğuna təkan verəcəyini bildiriblər. Özəl sektorun nümayəndələri olaraq bu sahənin inkişafında maraqlı olduqlarını və hər zaman dəstək göstərməyə hazır olduqlarını ifadə ediblər.
Tədbirdə Layihə çərçivəsində təşkil olunan Treninqləri uğurla başa vuran 25 nəfərə SERTİFİKATLAR təqdim olunub.
Təqdimat mərasimində “İnformasiya cəmiyyətinin ən yaxşı jurnalisti” və “İnformasiya cəmiyyətinin ən yaxşı KİV-i” nominasiyaları üzrə qaliblər elan edilib.
“İnformasiya Cəmiyyətinin Jurnalisti ” nominasiyası üzrə 1-ci yeri “Azərbaycan bu gün və sabah” jurnalının əməkdaşı Elxan Məmmədov qazanıb. Bu nominasiya üzrə 2-ci yeri iki jurnalist tutub : 525-ci qəzetdən İlhamə Qasımlı və Vüqar Haqverdiyev. Bu nominasiya üzrə 3-cü yeri 3 nəfər qazanıb: İlhamə İsabalayeva - APA/Informasiya Agentliyi, Ellada Mustafayeva - Gündəlik Bakı qəzeti ( Xeberler.az - redaktoru) və Sevinc Abbasova – Azadlıq qəzeti
“İnformasiya Cəmiyyətinin KİV-i” nominasiyası üzrə 1-ci yeri ötən ildə olduğu kimi “525-ci qəzet” qazanıb. Bu nominasiya üzrə 2-ci yeri – Şərq qəzeti , 3-cü yeri isə 2 qəzet – “Üç nöqtə” və “ Həftə içi” qəzetləri tutub.
Qaliblərə Diplomlar və HP və ULTRA şirkətlərinin qiymətli hədiyyələri təqdim olunub.
Tədbirdə Mətbuat Şurasının sədri Əflatun Amaşaov, Beynəlxalq Avrasiya Mətbuat Fondunun rəhbəri Umud Rəhimoğlu, müstəqil ekspertlər Ələsgər Məmmədli və Azər Həsrət, “Üç nöqtə” nin Baş redaktoru Xoşqədəm Baxşəliyeva və digərləri çıxış edərək müasir dövrdə dövlət , özəl və ictimai qurum tərəfindən dəstəklənən bu tip Layihələrin mühüm əhəmiyyət kəsb etdiyini və İnformasiya Cəmiyyəti quruculuğuna ciddi təkan verəcəyini, bu sahədə görülən işlərin davamlı olmasının zəruriliyini qeyd ediblər.
Qeyd edək ki, layihə RİTN, AİF, HP və ULTRA şirkətlərinin birgə iştirakı ilə gerçəkləşdirilib.
Daha geniş məlumatı www.cit.az saytından əldə edə bilərsiniz.
xeberler.az/Ellada
© 2008-2010 Xeberler.az
labrin
