Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

“Qurduğumuz sistem reklamım sosial mediada effektini izləməyə imkan verəcək”

20.11.2014 [10:34]

Fontu böyüt:

Şaiq Muradov 1985-ci ildə Şuşada anadan olub. Pedaqoji Universitetin tarix fakültəsini bitirib. Kinotap.com, Socset.com və Technimum.com layihələrinin müəllifidir.

Şaiq Muradov 1985-ci ildə Şuşada anadan olub. Pedaqoji Universitetin tarix fakültəsini bitirib. Kinotap.com, Socset.com və Technimum.com layihələrinin müəllifidir.

- Texnologiya sahəsinə uşaqlıqdan maraq vardı. Hər bir yeniliyi əldə etməyə çalışırdım: istər videomaqnitofon, fotoaparat, maqnitofon olsun. Bizim oxuduğumuz dövrdə məktəbdə kompüterlə tanış olmaq mümkün deyildi, olsaydı, elə birbaşa texnoloji sahəni peşə olaraq seçərdim. İndiki gənclər çox şanslıdır, biz heç universitetdə kompüter otağı görməmişdik. İnternet klublara gedirdim, internetdən texnoloji sahə üzrə ədəbiyyat sifariş edirdim, nəticədə tarix mənim üçün hobbiyə, texnoloji sahə isə əsas işimə çevrildi.

- Layihələr, ideyalar necə yarandı?

- Digitalbrand son iş yeri olub. İnteraktiv marketinq agentliyidir. Mən 3 il, 2010- 2013-cü illərdə orada çalışmışam. Həmin şirkətdə reklam bazarına bir çox yeniliklər gətirdik. Kinotap və Socset isə öz şəxsi layihələrimizdir. Bunların ideyası tamamilə ehtiyacdan yarandı. Kinotap kinoteatr afişaları haqqında olan məlumatları təqdim edir. Siz bu resursa daxil olub Azərbaycanda istənilən kinoteatrda hansı filmin getdiyini öyrənə bilərsiniz. Mən özüm filmləri sevdiyimdən dostlarımla bu resursu yaratdım. Dünyada bu cür tipdə resurslar var. Kinopoisk.ru , Sinemalar.com kimi

- Əgər bu startap layihəsidirsə, filmləri verməkdə biznes marağı nədədir?

- Dünyada internet layihəsindən gəlir əldə etməyin 2 əsas modeli var. Bunlardan biri reklam, digəri pullu xidmətlərdir. Yəni servis göstərməkdir. Bu layihədə ilk marağımız reklamdan qazanc əldə etməkdir. İkincisi, onlayn satışı həyata keçirmək olar. Azərbaycan bazarı bunun üçün kiçikdir, lazımı infrastruktur yoxdur. Digər Socset isə sosial mediada statistika sistemidir. Yəni reklamların sosial mediadakı statistikasını ölçmək üçün yaratmağa başladıq və startap layihəsinə gətirdik. Resursun əsas məqsədi reklamın sosial istifadəçinin necə qarşıladığını, Facebook-da nə qədər paylaşıldığını, Twitter-də nə qədər tweet olunduğunu bilməkdir. Qurduğumuz sistem reklamım sosial mediada effektini izləməyə imkan verəcək.

- Pullu xidmətdir bu?

- Xidmətin premium imkanı var. Yəni müəyyən limitə qədər pulsuzdur. Daha ətraflı məlumat üçün isə pulludur. Hazırda beta versiyası işləyir. Layihəni təkmilləşdirmyə çalışırıq.

- Sosial şəbəkələrdən hansını əhatə edəcək?

- Facebook, Twitter, Googleplus, Linkedin, Odnoklassniki, Vkontakte, Mail.ru kimi şəbəkələri əhatə edəcək. Çalışırıq, nəhəng işin öhdəsindən gələk.

- İş, sözsüz, çoxdur. Öhdəsindən gələ biləcəksinizmi?

- Dünyada buna “Data Mining” deyilir. Böyük məlumatları süzgəcdən keçirmək, bizə lazım olan məlumatları almaq. Laboratoriya testlərində uğurlu nəticə almışıq. İstəyirik, hər kəs daxil olub məlumat ala bilsin.

- Siz 2 startap layihəni işlədirsiniz? Belə bir praktika varmı?

- Təbii. Bunun dünyada analoqu var. Layihə üzərində növbə ilə çalışırıq. Kinotap-ın böyük bir hissəsini istifadəyə vermişik. Socset isə istifadəyə verilmə prosesindədir. Rabitə və Yüksək Texnologiyalar Nazirliyin xətti ilə yalnız Socset üçün maliyyə almışıq.

- Həmdə bu sistemə nəzarət məsələsi nə yerdədir? Təhlükəsizlik işləri aparılırmı?

- Vaxtımızı aparır bu işlər, hətta dünən evə gedəndə, gecə 2-nin yarısı idi. Mümkün qədər çalışırıq problem yaranmasın. Komandada 3 nəfərik. Əlavə 2 nəfər də köməkçimiz var.

- Çox böyük gəliriniz yəqin hələ yoxdur. Bəs necə dolanırsınız?

- Əlavə sifariş götürürük. Müəyyən məbləğ qarşılığında işlərimizi görürük. “Həyatda qalmağa” çalışırıq. Azərbaycanda bizə hər zaman ehtiyac var.

- Layihələrə nə qədər vaxt sərf edirsiniz yaxud nə vaxt gəlirsiniz?

- Yatmayanda, gəzməyəndə, xüsusi iş olmayanda Texnoparka gəlitik. Gündə 10 saatdan çox oluruq. Hərdən gecə 2-3ə kimi də qalırıq. Rabitə və Yüksək Texnologiyalar Nazirliyinin Texnologiyalar parkını dövlət kömək məqsədilə yaradıb. Düzdür, bəzi tanışlarımız var ki, onlar kirayə ev tutub ayrıca işləyirlər. Əslində bu Texnopark gələcəkdə Pirallahıda yaradılacaq böyük Texnoparkın kiçik bir modelidir. Silikon Vadisinə bənzər bir şey olacaq. Layihənin icrasına başlanılıb, amma başa çatması üçün illər çəkəcək.

- Yaradıcı prosesdə münaqişələriniz olurmu?

- Əslində elə bir münaqişə olmur. Daha çox fikir mübadiləsi aparırıq, uzunmüddətli müzakirələr edirik. Bir-birimizə fikrimizi izah etməyə çalışırıq. Nəticədə ortaq məxrəcə gəlinən bir proses olur.

- Sizin Web.oxu layihəsiniz də olub...

- Hazırda Technimum.com kimi fəaliyyət göstərir. Web.oxu çox müəllifli qrup bloqu idi. İstənilən kəs qeydiyyatdan keçib texnologiya yeniliklərindən yaz bilərdi. Burada məqsədimiz texnologiya yeniliklərini oxucuya düzgün çatdırmaq idi, qazanc məqsədi güdmürdük. İnternetdə xeyli sayt var bu sahədən yanlış məlumat yayır. Web.oxu bu ilin əvvəlində isə mobiz.az-la birləşdirildi, Technimum.com yarandı.

- Texnoloji insan üçün ingilis dilini bilmək vacibdirmi? Bəs ali təhsil?

- 2 dil var: texniki ingilis dili və insanların danışdığı ingilis dili. Texniki ingilis dili mənə daha asandır, nəinki texniki Azərbaycan dili. Müəyyən proqramları Azərbaycan dilinə çevirəndə mənə daha çətin olur. Təhsildən başqa təcrübə də çox vacibdir. Məsələn, kompüter mühəndisliyi fakültələrinin tələbələri üçün təcrübə ilə formalaşmaq əhəmiyyətlidir. Bir də şərt deyil Azərbaycanda təhsil alsınlar. Təhsil strukturu Azərbaycanda yaxın gələcəkdə formalaşacaq.

- Sizin texnologiya ilə bağlı ali təhsil, sertifikat əldə etməyi düşünmüsünüzmü?

- Xeyr, mən sertifikat almağa cəhd göstərmirəm. Ancaq komandamızda Türkiyədə texnoloji təhsil alan insan var. .

- Ötən il Dublində keçirilən Veb sammitdə olmusunuz. Bu haqda danışardınız.

- Avropadakı ən böyük internet proyektlərinin sərgisi idi. Azərbaycandan ilk dəfə biz getdik. Startap-ı nümayiş etdirdik, bəyəndilər, bizdən müsahibə aldılar. Bizə sərgidə iştirak üçün bilet verildi, ayrıca stend ayrıldı. Bakutel-ə bənzər bir şey idi. Sadəcə Avropada keçirilirdi, Google, Microsoft kimi nəhəng şirkətlər də qoşulmuşdu. Hər il keçirilən bu sərgiyə öz hesabımıza getmişdik.

- Dublində kimləsə əlaqə qurmaq, tanışlıq yaratmaq imkanı oldumu?

- Biz orada çox şeyi öyrəndik, dərs aldıq. Yəni nə şəkildə etmək lazımdır, nə dərəcədə uğurlu olmalıdır, hansı istiqamətdə işlər görməliyik, bu şeyləri biz oradakı müşahidələrdən götürdük. Dublindən başqa Türkiyədəki startap tədbirlərində də olmuşam. Bu tədbirlər bizə işimizdəki gələcəyi görməyə xeyli kömək edir. Bir də Azərbaycanda şirkətlərin marağı olsa, bu sahəyə daha tez inkişaf edər

- Deyəsən, şirkətlər texnologiya sahəsinə investisiyada elə də maraqlı deyillər?

- Burda kadr məsələsi xüsusi rol oynayır. Əksəriyyəti xaricə çıxıb gedir. Yaxud da başqa sahələrdə ixtisaslaşırlar. Savadlı kadrlar bu sahədə ixtisaslaşdıqca, müəyyən dövrdən sonra şirkətlər bu sahəyə investisiyanı artırmaq istəyəcəklər.

- Bu layihələrin uğurlu olacağına ümidiniz varmı?

- Texnologiya ilə məşğul olmaq bir həvəsdir. Biz bundan zövq almaq üçün çalışırıq. Təbii, maddi tərəfi vacibdir; gərək zövq aldığımız iş gələcəkdə “yaşasın”. Sırf bu işi pul xətrinə üçün görmək xülyadır. İnanmasaydıq, arxasınca getməzdik.

Kamran Ədalətoğlu

İsmayıl Rafiqoğlu