Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

“Gənc informatik”lərə “Rəqəmsal dünya” təqdim olunacaq

24.04.2009 [13:41]

Fontu böyüt:

HP şirkəti, Microsoft korporasiyası, Aztelekom İstehsalat Birliyi və “DNS Computers” MMC-nin təşkilati və texniki dəstəyi ilə orta ümumtəhsil məktəblərinin şagirdləri arasında təşkil olunan və Sumqayıt şəhərinin 60 illik yubileyinə həsr olunan “Gənc informatiklər” müsabiqəsinin qaliblərinə əsas mükafat kimi “Rəqəmsal dünya” heykəlciyi təqdim olunacaq.

İnternet səhifələrin və təqdimat işlərinin hazırlanması, həmçinin mətn yığıcılığı istiqamətləri üzrə keçiriləcək müsabiqədə Münsiflər Heyəti tərəfindən 14 müxtəlif nominasiya müəyyən edilib. İnternet səhifələr və təqdimatlar proqramçı işinə, mövzu orijinallığına, ən yaxşı dizaynına və məzmununa görə qiymətləndiriləcək. İbtidai sinif şagirdləri arasında təşkil olunan mətn yığıcılığı yarışında isə ilin vunderkindi, ən çevik informatik, ən səliqəli informatik və ədib informatik seçiləcək.

Bu nominasiyalarla yanaşı, müsabiqənin xüsusi qalibləri də elan oluna bilər və onlara da büllurdan hazırlanmış “Rəqəmsal dünya” heykəlciyi veriləcək.

Hazırda müsabiqənin birinci – ev tapşırığı mərhələsi keçirilir. Ümumilikdə 412 nəfərin mübarizə apardığı bu tura may ayının 15-də yekun vurulacaq və Münsiflər Heyətinin qiymətləndirməsi əsasında hər istiqamət üzrə 10 ən yaxşı iş finala vəsiqə qazanacaq.

Müsabiqənin təşkilatçıları Sumqayıt şəhər İcra hakimiyyəti və Sumqayıt şəhər Təhsil şöbəsidir. Rabitə və İnformasiya Texnologiyaları Nazirliyi, Təhsil Nazirliyi, AMEA İnformasiya Texnologiyaları İnstitutu, Qafqaz Universiteti, İctimai Televiziya və Radio Yayımları Şirkəti və “İntel – Gələcək üçün təhsil” proqramı layihəyə təşkilati dəstək göstərirlər.

Qeyd edək ki,müsabiqənin rəsmi informasiya dəstəyi İnterfaks-Azərbaycan İnformasiya Agentliyinə, Xəbərlər.az portalına, 168 saat qəzetlər qrupuna məxsusdur.

Daha ətraflı məlumat üçün www.informatik.az saytına müraciət edə bilərsiz.

xeberler.az/Ellada

Oxunub: 1 dəfə