Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

“Yerli telekanalların xəbər redaksiyaları ekstremal situasiyalara hazır deyil!”

23.05.2009 [12:06]

Fontu böyüt:

Bu fikirləri dünən Milli Televiziya və Radio Şurasının “Ekstremal situasiyalarda telekanalları rolu” mövzusunda keçirdiyi seminarda Bakı Dövlət Universitetinin jurnalistika fakültəsinin müəllimi Zeynal Məmmədli səsləndirib. Zeynal müəllimin fikrincə problemin əsas səbəbi telekanallarda hələ də bu tip situasiyalarla bağlı rəhbər qaydaların mövcud olmamağıdır.

Seminarda çıxış edən MTRŞ sədri Nuşirəvan Məhərrəmli isə öz çıxışında bildirib ki, MTRŞ ekstremal situasiyalarda jurnalistlərin fəaliyyəti ilə bağlı telekanallara tövsiyələr hazırlayacaq:“Son dövrlər təkcə Azərbaycanda deyil, bütün dünyada aqressiv meyllər çoxalıb. Efirdə aqressiyanın ifadə olunması, terror, intihar, qəzaların tez-tez verilməsi, qəddar və zorakılıq olan bədii filmlərin göstərilməsi insanların psixikasına təsir edib. Buna görə də MTRŞ uşaq və yeniyetmələrin əqli inkişafına ziyan vuran hallarla bağlı xüsusi qaydalar qəbul edib. Saat 11-dək bu tipli verilişləri və filmləri göstərmək olmaz”.

Şura sədrinin sözlərinə görə, ekstremal situasiyalarda telekanallar öz məsuliyyətlərini dərk etməlidirlər: “Çox təəssüf ki, Azərbaycanda telekanallar Neft Akademiyasında baş vermiş qanlı hadisəyə operativ reaksiya verə bilmədilər. Biz bu hadisə ilə bağlı xarici xəbər kanallarından məlumat aldıq. İnformasiyanın gec verilməsi bizim üçün nöqsan sayıla bilər. Xüsusən də qeyri-dəqiq informasiyaların verilməsi, görüntülərin qanla müşayiət olunması yolverilməzi idi”.

Prezident Administrasiyası ictimai-siyasi şöbəsinin sektor müdiri Vüqar Əliyev isə bildirib ki, KİV-lərdə obyektivlik, qərəzsizlik, balanslılıq və dəqiqlik tələb olunur: “Aprelin 30-da belə faciənin baş verməsi gözlənilməz idi. Həm ictimaiyyəti, həm də mətbuatı sarsıdan bir fakt idi. Buna görə də elektron medianın operativlik nümayiş etdirməməsinə haradasa bəraət qazandırmaq olar”.

Media hüquqları üzrə ekspert Ələsgər Məmmədli isə bildirib ki, hadisə ilə bağlı rəsmi məlumatlar səkkiz saat sonra yayılıb: “Bu isə müxtəlif mətbuat orqanlarında müxtəlif xəbərlərin getməsinə səbəb olub“.

xeberler.az

Oxunub: 1 dəfə