Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

“İş yerindən arayış” elektron xidmət istifadəyə verildi

02.12.2014 [12:09]

Fontu böyüt:

Əmək və Əhalinin Sosial Müdafiəsi Nazirliyi “İş yerindən arayış” elektron xidmətini istifadəyə verib.

Xeberler.az-ın məlumatına görə, dekabrın 2-də Əmək və Əhalinin Sosial Müdafiəsi Nazirliyi (ƏƏSMN) tərəfindən “İş yerinə dair arayış” adlı elektron xidmətinin təqdimat mərasimini keçirilib.

Əmək və əhalinin sosial müdafiəsi nazirinin müavini İdris İsayev əhaliyə xidmət sisteminin müasir texnologiyalar əsasında təkmilləşdirilməsi ilə bağlı prezident İlham Əliyevin müəyyən etdiyi vəzifələrin icrası istiqamətində işlərin aparıldığını vurğulayıb.

İdris İsayev artıq yeni xidmətin “Elektron Hökumət” portalında (www.e-gov.az) yerləşdirildiyini, eyni zamanda nazirliyin rəsmi internet saytının (www.mlspp.gov.az) ön səhifəsində eyni adlı bölməyə daxil olmaqla “Elektron Hökumət” portalındakı həmin xidmətə keçidin olduğunu bildirib: “Artıq vətəndaşlar işəgötürənə müraciət, vaxt və vəsait sərf etmədən iş yerindən arayış əldə edə biləcəklər. Belə ki, müxtəlif təşkilatlar (dövlət və özəl qurumlar, banklar, məktəblər, bağçalar, səfirliklər və s.) vətəndaşdan iş yerlərinə və əmək haqlarına dair arayış istənildiyi halda, “İş yerindən arayış” adlı elektron xidməti vasitəsilə bunu əldə edə bilərlər”.

Nazir müavini bildirib ki, vətəndaşlar yeni elektron xidmətdən istifadə edərək ümumi təyinatlı və ya hər hansı bir konkret quruma təqdim etmək üçün, əmək haqqı göstərilməklə və ya əmək haqqı göstərilmədən iş yeri haqqında arayış əldə etmək imkanına malikdirlər. Bununla yanaşı, iki və daha çox iş yerində aktiv əmək müqaviləsi əsasında çalışdığı halda vətəndaşa hansı iş yerinə dair arayışı təqdim etməsi üçün seçim etmək imkanı da verilir.

ƏƏSMN-nin İnformasiya texnologiyaları şöbəsinin müdiri Elnur Məcidov “İş yerinə dair arayış” elektron xidmətin texniki imkanları barədə məlumat verib. O, bildirib ki, elektron arayışda növündən asılı olaraq işəgötürən barədə məlumatlar, onun əlaqə nömrəsi, işçinin şəxsi məlumatları, əmək müqaviləsinin bağlandığı tarix, onun müddətli və ya müddətsiz olması, həmçinin arayışın etibarlılıq müddəti kimi məlumatlar da əksini tapır. Eyni zamanda “İş yerinə dair arayış” elektron xidmət arayış təqdim olunan quruma bu arayışı formalaşdırmış əmək müqaviləsi bildirişi üzrə dəyişikliklər barədə məlumatı əldə etmək imkanı verir. Lakin bu məlumatın ötürülməsi vətəndaşın razılığı şərti ilə və arayışın etibarlılıq müddətində mümkündür.

Tədbirdə bildirilib ki, belə bir e-xidmətin istifadəyə verilməsi vətəndaşların real vaxt rejimində və rahat formada arayış əldə edə bilməsinə, bu prosesdə yarana biləcək bürokratik və ya süründürməçilik hallarının aradan qaldırılmasına imkan yaratmaqdır.

Mirvari

Oxunub: 0 dəfə