Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

Azərbaycanda ilk özəl televiziya kanalı olan ANS-in 18 yaşı tamam olur

26.11.2009 [12:04]

Fontu böyüt:

Bu gün ANS telekanalının ad günüdür. ANS (Azerbaijan News Service) ölkənin ilk özəl televiziya kanalıdır. Azərbaycanın müstəqillik əldə etdiyi ilk zamanlarda əhaliyə ölkədə baş verən ictimai-siyasi hadisələr haqqında məlumat verən ilk müstəqil televiziya şirkəti kimi ANS 90-cı illərin əvvəllərində əhali arasında geniş nüfuza malik olub. Azərbaycanın vətənpərvər gənclərinin Qarabağ döyüşlərindəki qəhrəmanlıqlarını və Xocalı soyqırımını lentə alıb tarixin yaddaşına salan jurnalsitlər də məhz bu şirkətdə çalışıblar və çalışırlar.

ANS 1990-cu ildə 3 nəfər gənc Azərbaycanlı jurnalist, Vahid və Seyfulla Mustafayev qardaşları və Mirşahin Ağayev tərəfindən Azərbaycanda fəaliyyət göstərən ilk müstəqil televiziya şirkəti kimi yaradılıb. Onlar Azərbaycan Dövlət Televiziyasının binasında götürdükləri kiçik bir otağı studiyaya çevirərək 1992-ci il martın 2-dən etibarən öz proqram ideyalarını həyata keçirməyə başladılar. Televiziya kimi onların ilk reportajları cəbhə xəttində baş verənlər idi. ANS-in müxbirləri Çeçenistandan, Gürcüstandan, Osetiyadan, Qarabağdan, Abxaziyadan, Bosniyadan, Əfqanıstandan, İnquşetiyadan və s. münaqişə zonalarından reportajlar hazırlayır və BBC, CNN, CBS, NBC, NHK, ZDF, RAI kimi dünyanın nüfuzlu kanallarını xəbərlə təmin edirdi.

1994-cü ildə, artıq iki illik qanuni fəaliyyətdən sonra kompaniyanın işçi heyəti 30 nəfərə çatmışdı. 1994-cü ildə ANS televiziyası ilə AZTV arasında qalmaqal baş verdi. ANS-in işçiləri dövlət televiziyasının ərazisindən çıxarıldı, ANS televiziyasının və radiosunun yayımı dayandırıldı. Yalnız 18 saatdan sonra Azərbaycan Respublikasının mərhum Prezidenti Heydər Əliyevin və onun oğlu (İndiki prezident) İlham Əliyevin işə qarışmasından sonra ANS-in efiri bərpa edildi.

ANS-DX (Data Xchange) - İnternet xidmətinin əməkdaşları 1996 -cı ildə internet səhifəsini hazırladılar. 2000-ci ilin sentyabrın 12-də, saat 23:45-dən etibarən Azərbaycan televiziyası tarixində, ilk dəfə, dünyanın nüfuzlu futbol turnirlərindən hesab olunan Çempionlar Liqasının oyunları ANS kanalını izləyə bilən tamaşaçılara yayımlandı. Yayım, UEFA-nın razılığılə, Avropada futbol oyunlarının Yayımlanması Şirkətilə ANS kanalı arasında bağlanan müqaviləyə əsasən həyata keçirilirdi.

2006-cı il noyabrın 24-də Azərbaycan Respublikası Milli Televiziya və Radio Şurası ANS Müstəqil Yayım və Media Şirkətinin həmçinin ANS ÇM Yayım və Media Şirkətinin yayımının dayandırılması barədə qərar çıxardı. ANS televiziyası və radiosu 17 gün yayımda olmadı. Dekabrın 10-da Milli Televiziya və Radio Şurası bəyan etdi ki, Azərbaycan Respublikasının Prezidenti İlham Əliyevə ünvanlanmış müraciətləri, həmçinin ANS Telekanalının çoxsaylı kollektivinin müraciətini nəzərə alaraq ANS-in yenidən efirə qayıtması barədə qərar çıxarıb. //ANS Press

xeberler.az

Oxunub: 1 dəfə