Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

Rasim Əliquliyev: “ Azərbaycan İnformasiya Cəmiyyəti üzrə Dünya Sammitinin hazırlıq mərhələsində çox fəal iştirak edir” (EKSKLÜZİV MÜSAHİBƏ)

17.05.2011 [00:48]

Fontu böyüt:

AMEA-nın İnformasiya Texnologiyaları İnstitutunun direktoru, AMEA-nın müxbir üzvü Rasim Əliquliyev Xeberler.az portalının suallarını cavablandırıb.

Bildiyiniz kimi, 17 may – Ümumdünya Telekommunikasiya və İnformasiya Cəmiyyəti Günüdür. Azərbaycan buna necə hazırlaşıb?

Azərbaycan informasiya cəmiyyəti ideyalarına sadiq bir ölkədir. Hazırda bizim vətəndaşlarımız İnformasiya Texnologiyalarından yaxşı istifadə edir. İnformasiya Cəmiyyəti üzrə Dünya Sammiti, bildiyiniz kimi, 2003-cü ilin dekabr ayında Cenevrədə keçirilməyə başlayıb. Bu sammitin ikinci mərhələsi isə 2005-ci ilin noyabr ayında Tunisdə baş tutmuşdu. Azərbaycan bu sammitin hazırlıq mərhələsində çox fəal iştirak edən ölkələr siyahısındadır. Hətta bu sammitin baş katibi səviyyəsində Azərbaycanın fəal iştirakına görə təşəkkür də edilib. 2006-cı ildən isə 17 may “Ümumdünya İnformasiya Cəmiyyəti günü” kimi qeyd olunur. Bununla bağlı ilk dəfə bizim inistitutda RİTN tərəfindən təşkil edilən və biznes strukturunda fəaliyyət göstərən İKT şirkətlərinin iştirakı ilə bu gün qeyd olunub. Həmin ildən başlayaraq müntəzəm olaraq bu gün Azərbaycanda da qeyd olunur.

Bu günün keçirilməsində məqsəd nədən ibarətdir?

Burada məqsəd isə İKT sahəsində olan problemlərə və inkişafa diqqət yönəltməkdir. Bu il bizim Universitetimizdə də bununla bağlı seminar keçiriləcək. Seminarda 2 mövzu qoyulub. Birincisi əşyalar, internet haqqında, ikincisi isə elektron parlament, elektron dövlətin forması kimi mövzusudur. Bildiyiniz kimi, elektron parlament dedikdə təkcə parlament nəzərdə tutulmur, burada seçki zamanı İKT-nin özünün rolu da nəzərdə tutulur.

Son zamanlar ölkəmizdə mobil rabitə sahəsində bir neçə yeniliklər baş verdi. Mobil operatorlar kontur ödəmədən, manat ödəməyə keçdi. Nazir Əli Abbsov ictimaiyyətə verdiyi açıqlama da, son olaraq mobil danışıqlarda gizli nömrələrin ləğv ediləcəyini söyləyib. Siz bu haqda nə düşünürsünüz?

Bu yaxşı haldır. Bildiyiniz kimi, bu gün artıq onlarla gizli nömrədən şikayət edən insanları tapmaq olar. Düzdür, bunun üçün hüquq mühafizə orqanları geniş şəkildə iş görürlər amma, bunun qarşısını bir dəfəlik almaq üçün gizli nömrələrin ləğv edilməsi lazımi bir addımdır. Buna görə də mən bu addımı doğru hesab edirəm.

Oxunub: 1 dəfə