Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

Teleradio yayımı üçün lisenziya qiymətləri hazırlanıb

04.03.2011 [21:58]

Fontu böyüt:

Milli Televiziya və Radio Şurası ümumrespublika televiziya yayımçıları üçün 22 min manat, regional televiziya yayımçıları üçün 3-5 min manat, ümumrespublika radio yayımçıları üçün 10 min manat, regional radio yayımçıları üçün min-2 min manat, abonentlərinin sayı 5000 olan kabel yayımçıları üçün min manat, abonentlərinin sayı 10 mindən yuxarı olan kabel yayımçıları üçün 5 min manat, abonentlərinin sayı 50 mindən yuxarı olan kabel yayımçıları üçün 20 min manat lisenziya dəyərinin müəyyənləşdirilməsini təklif edib.

Şura sədri Nuşirəvan Məhərrəmli “Media forum” saytına açıqlamasında deyib ki, bununla bağlı baş nazir Artur Rasizadəyə müraciət edib: “Biz lisenziya qiymətlərinin ədalətli olmasını istəyirik. Ona görə də cənab baş nazirə müraciət etdik. Bugünlərdə bizə İqtisadi İnkişaf Nazirliyindən bir sənəd daxil oldu ki, başqa ölkələrin bu məsələyə uyğun təcrübəsini onlara təqdim edək. Biz artıq bəzi araşdırmalarımızı onlara göndərmişik. Hesab edirik ki, televiziya, radio, kabel yayımları təsnifatlaşdırılmalıdır”.

Beynəlxalq təcrübə haqqında danışan Nuşirəvan Məhərrəmlinin sözlərinə görə, ayrı-ayrı ölkələrdə də lisenziyaların dəyərləri təsnifatlaşdırılıb: “Misal üçün, qonşu Ermənistanda ümumrespublika yayımçısı üçün lisenziya dəyəri 54 min dollar, regional yayımçı üçün isə 2-3 min dollar müəyyənləşdirilib. Estoniyada analoq yayımın lisenziya qiyməti 810 min dollardır. Əhalisinin sayı 1,5 milyon olan Xorvatiyada ümumölkə yayımçısı lisenziya üçün 60 min avro ödəyir.

Ümumiyyətlə, beynəlxalq təcrübəni araşdırarkən bəlli oldu ki, lisenziya dəyərinə müxtəlif yanaşmalar var. Misal üçün, əhalinin sayına görə, əraziyə görə, iqtisadi potensiala görə və sairə. Hər bir ölkədə fərqlidir. Amma Azərbaycan lisenziyanın dəyəri ən aşağı olan ölkələrdən biridir”.

Şura sədri qeyd edib ki, indi təklif olunan lisenziya qiymətləri də aşağıdır: “Dövlət rüsumu haqqında” qanuna görə, Azərbaycanda ən yüksək dövlət rüsumu 22 min manatdır. Ona görə də biz təkliflərimizi hazırlayarkən qanunvericiliyə əməl eləməli olduq”.

Nuşirəvan Məhərrəmli hesab edir ki, təklif olunan yeni lisenziya dəyəri ölkədə televiziya, radio və kabel yayımçılarının da ürəyincə olacaq: “Onlar təşəbbüsü düzgün qarşılamalıdırlar. Bunu həyata keçirsək, regional televiziya kanalları və kabel yayımçılarının lisenziya üçün dövlət rüsumu aşağı salınacaq. Bu dəyər əslində çoxdan tənzimlənməli idi. 2004-cü ildən bu prosesə başlamaq istəyirdik. Ancaq Nazirlər Kabinetindən lazımi dəstək gəlmədi”.

Oxunub: 1 dəfə