Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

Elektron resurslar təqdim edildi

15.12.2014 [14:30]

Fontu böyüt:

“İKT savadlılığının təmin edilməsinin ölkəyə verdiyi fayda, istənilən sənaye yeniliyinin verdiyi faydadan bir neçə dəfə çoxdur. Məhz buna görə informasiya cəmiyyətlərində İKT-nin inkişafı aparıcı amillərdən hesab edilir”.

Xeberler.az-ın məlumatına görə, bunu təhsil naziri Mikayıl Cabbarov nazirliyin dəstəyi ilə hazırlanmış elektron resursların təqdimat mərasimində çıxışı zamanı bildirib.

Nazirin sözlərinə görə, bu gün internet şəbəkəsinin genişlənməsi Təhsil Nazirliyinin qarşısına yeni tələblər qoyur. Bu məqsədlə e-resurs.edu.az portalı yaradılıb:

“Təhsilin informasiyalaşdırılması təhsildə elektron dərsliklərin istifadəsi üçün də geniş yol açır, elektron dərsliklərin öyrənmə prosesini fərdiləşdirməyə şərait yaradır.Sürətlə inkişaf edən informasiya-kommunikasiya texnologiyaları , bununla yanaşı qoballaşma prosesləri dünya ölkələrinin siyasi, sosial, iqtisadi inkişafına ciddi şəkildə təsir göstərir. Təbii olaraq bu konteksdə Azərbaycan da istisna deyil. Bu gün yaşadığımız əsr informasiya cəmiyyətinin yaranması ilə xarakterizə olunur və belə bir cəmiyyətdə istehsalın əsas məhsuluna informasiya və səriştələr çevrilir. Son 10 il müddətində tədrisin informasiyalaşdırılması istiqamətində 2 dövlət proramı icra olunub, bir sıra beynəlxalq təşkilatlarla əməkdaşlıq çərçivəsində ümumtəhsil müəsisələrində elektron sinif otaqları yaradılıb. Bu gün hər 18 şagirdə 1 kompüter düşür. 1765 təhsil müəssisəsi geniş zolaqlı internet şəbəkəsinə qoşulub . Və bu internet şəbəkəsinin genişlənməsi qarşıya yeni maddi çağırışlar qoyur. Bu məqsədlə yeni yaradılan portalı yaradılıb”.

Mikayıl Cabbarov qeyd edib ki, portal vasitəsilə hər bir istifadəçi elektron dəsrliklər, video dərslər, müsabiqələr, elektron tapşırıqlar və digər təhsil resurslarına çıxış əldə edə bilər.

Nazir bununla yanaşı dərsliklərin məzmunlarının onu qane etmədiyini də bildirib: “Biz İKT-ni, İKT ilə təminatı, elektron resursları tətbiq etsək də, bunun kökündə yenə məzmun durur. Dərsliyin məzmununda olan səviyyə bizi qane etmirsə, onu İKT formatda təqdim etməklə biz mahiyyət problemini həll etmiş olmuruq. Bu günə qədər məzmun məsələsini həll edə bilməmişik, keyifyyət bir tərəfə qalsın, müsabiqəyə çıxarılası bir dərslik əldə etmirik. Düzdür, müəyyən artım var, biz müəyyən işlər həyata keçirmişik, amma yenə də statistika onu göstərir ki, vəziyyət qənaetedici hesab edilə bilməz.

Ümumiyyətlə dərsliyin yaradılması üçün təklif belə verilməyən fənnlər var. 2012-ci ildə 2 , 2013-cü ildə 3 , 2014-cü ildə 1 fənn üzrə ümumiyyətlə təklif verilməyib. Bu da əsasən xarici dillərdir. Bu o deməkdir ki, mövcud çərçivədə şagird-tədris proqramı təsis olunub: şagird məktəbə gəlməlidir və dərslik olmalıdır. Amma dərsliyin yaranması üçünümumiyyətlə təklif yoxdur. Dərslikləri ən yaxşı mütəxəssislər yaratmalıdır. Biz artıq bu istiqamətdə müvafiq təkliflərimizi hökümətə təqdim etmişik. Yaxın zamanlarda biz dərsliklərin yaradılmasında texnoloji prosesində də yeni nailiyyətlər əldə edəcəyik”.

Nazir çıxışı zamanı elektron dərsliklərin üstünlüklərindən də danışıb: “İnternetə çıxışı olan hər bir şəxs üçün dərslik əlçatandır və pulsuz əldə edilə bilər. Şagirdlər məktəbə kitab daşımaqdan azad olunur bu da müəyyən mənada kiçik yaşlı uşaqların sağlamlığının qorunması üçün çox əhəmiyyətlidir. Ənənəvi dərsliklərdən fərqli olaraq e-dərsliklər interaktov məzmuna malikdir və bu da öyrənmə prosesini asanlaşdırır. Xaricdə yaşayan soydaşlarımız dərsliklərdən istifadə edə biləcək”.

Mikayıl Cabbarov onu da vurğulayıb ki, ölkəmizdə elektron dərsliklərin hazırlanmasına bir qədər gec başlansa da, qısa müddət ərzində bu sahədə digər ölkələrdən daha əlçatan rahatlıqla istifadə oluna biləcək sistem yaradılıb.

Tədbirdə çıxış edən millət vəkili Bəxtiyar Əliyev elektron tədris resurslarının yaradılmasını təqdirə layiq hal kimi qiymətləndirib: “Bu gün gənc nəsli kompütersiz, internetsiz təsəvvür etmək mükün deyil. Ona görə də, təhsil sisteminə elektron resursların gətirilməsi şagirdlərin, tələbələrin interaktiv metodlar vasitəsilə yeni biliklərə yiyilənməsini və gələcəkdə onlar səriştəli kadr kimi hazırlanmasının təminatıdır. Bu gün sürətli internet qısa müddət ərzində həmin materiallarla fəal işləmək, şagirdlərin və tələbələrin müstəqil şəkildə tapşırıqlarını yerinə yetirməsinə , imkan yaradı4. Məktəblilər məktəblilər üçün elə bir şərait yaradılıb ki, onlar özü də hiss etmədən böyük maraqla təlim resurlarından da istifadə edirlər”,deyə o əlavə edib.

Nazirliyin Təhsilin inkişafı proqramları şöbəsinin müdir müavini Emin Əmrullayev elektron resursları təqdim edib.O, bildirib ki, elektron resursları bir mənbədə yerləşdirmək üçün www.e-resurs.edu.az portalı yaradılıb. Portal vasitəsilə hər bir istifadəçi elektron dərsliklər, video dərslər, müsabiqələr, elektron tapşırıqlar, müxtəlif oyunlar və digər bu tipli təhsil resurslarına çıxış əldə edə bilər. Tədbirdə bir sıra elektron resurslar haqqında ətraflı məlumat verilib. Bildirilib ki, hazırda e-derslik.edu.az portalında II, III, VI və VII siniflər üzrə dərsliklər yerləşdirilib. Bu günə qədər 25 mindən artıq istifadəçi portaldan qeydiyyatdan keçərək elektron dərsliklərdən istifadə edir.

Mirvari Nəcəf

Oxunub: 0 dəfə