İNFORMASİYA VƏ KOMMUNİKASİYA TEXNOLOGİYALARI PORTALI
Bəzi xəbərlər:

SORĞU

Cari ildə İT sahəsində baş verən aşağıdakı hadısələrin hansını daha yaddaqalan və əhəmiyyətli hesab edirsiniz ?
  • "Milli Nüvə Tədqiqatları Mərkəzi"nin yaradılması
  • “Bakutel- 2014” Yubiley sərgisi.
  • “Azersky” peykinin Azərbaycan tərəfinə verilməsi
  • İnformasiya cəmiyyətinin inkişafına dair 2014-2020-ci illər üçün Milli Strategiyanın təsdiq edilməsi
  • Azərbaycanın Beynəlxalq Telekommunikasiya İttifaqı Şurasına üzv seçilməsi
  • “Startup Azərbaycan 2014” və “Startup Günləri” tədbirləri
  • Azərbaycanda yeni nəsil şəxsiyyət vəsiqəsinin tətbiqinə başlanılması
  • Dövlət qurumalrı tərəfidnən göstərilən bütün xidmətlərin Elektron reyestrinin yaradılması
Bütün sorğular

Yazara məktub göndər

Məqalələrinin sayı:

Osman Gündüz: “Provayder istifadəçiyə sürətli internet verməyə borcludur”

30.10.2014 [14:04]

Fontu böyüt:      

“Provayder və telefon qovşağı istifadəçiyə yüksək sürətli internet verməyə borcludur. Provayderin borcudur ki, verdiyi internetin sürətinə nəzarət etsin, istənilən hava şəraitinə dayanıqlığını yoxlasın”.

“Provayder və telefon qovşağı istifadəçiyə yüksək sürətli internet verməyə borcludur. Provayderin borcudur ki, verdiyi internetin sürətinə nəzarət etsin,  istənilən hava şəraitinə dayanıqlığını yoxlasın”.

Bu sözləri Axar.az-a "Multimedia" İnformasiya Sistemləri Texnologiyaları Mərkəzinin direktoru, Azərbaycan İnternet Forumunun prezidenti Osman Gündüz hava şəraitindən asılı olaraq zəifləyən internetin sürəti ilə bağlı deyib.

Osman Gündüzün fikrincə, havanın təsirindən internetin zəifləməsi və ya kəsilməsi provayderlərin işinin göstəricisidir: “Telefon xətti və ya birbaşa kabel vasitəsilə çəkilən internetin küləkli və  yağmurlu havada kəsilməsi provayderdən asılıdır. Küləyin, yağışın xətlərə təsirindən sürət azalır. Provayder və ya telefon qovşağı internet çəkilişi zamanı xətlərin dayanıqlığını yoxlamalıdır. Hətta bəzi internet kabelləri kanalizasiyadan keçir, belə olan zaman xətlərə su yığılır, nasazlıq yaranır. İstənilən təsir isə internetin sürətini azaldır. Burada əsas problem  provayderdə, sizə interneti verən telefon qovşağındadır”.

 Osman Gündüz qeyd edir ki, kabelsiz internet ötürücülərində isə havanın təsirindən yaranan problem gözləniləndir: “Küləkli havada kabelsiz ötürücülərlə internetə girən zaman sürətin zəifləməsi müşahidə edilir. Bu, əslində gözləniləndir. Çünki data-kartlar interneti hava vasitəsilə ötürür. Pis, küləkli və yağmurlu hava şəraiti kabelsiz, hava internetinin sürətinə mütləq təsir edir. Haradasa bunu normal da hesab etmək olar. Ancaq bu təsirlər o qədər də ciddi olmamalıdır. Əgər internetin sürəti çox zəifləyir, ümumiyyətlə, internetə qoşulmaq mümkünsüzləşirsə, bu, artıq küləyin təsirindən deyil. Problem provayderdədir ki, hər şeyi nəzərə almayıb. Mobil provayderlər təqdim etdiyi data-kartlara nəzarət etməyə borcludur”.

Azərbaycan İnternet Forumunun prezidentinin fikrincə, provayderlər verdiyi internetin sürətinə nəzarət etməlidir: “Provayderlər və telefon qovşağı istifadəçiyə yüksək sürətli internet verməyə borcludur. Ümumiyyətlə, provayder hər bir şəraiti nəzərə almalı, yüksək göstəricilərə cavab vermək üçün monitorinq keçirməli, xətləri test etməli, antenalar, ötürücülər, həmçinin şirkətin ofisindəki internet ötürücü avadanlıqları yoxlamalı, yüksək vəziyyətə gətirməlidir. İstifadəçi internet çəkdirən zaman müəyyən sürət seçir və buna əsasən müqavilə hesablayır. Əgər istifadəçidən asılı olmayan səbəblərdən müqavilədə qeyd edilən və hər ay abunə haqqı ödənilən internet sürəti zəifləyir və ya kəsilirsə, istifadəçi buna görə provayderi məhkəməyə verə bilər. Həmçinin Rabitə və Yüksək Texnologiyalar Nazirliyinə, Sənaye və İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinə müraciət etmək olar”.
Oxunub: 0 dəfə

Fikirlər

Heç bir şərh yoxdur
serh yaz

Yazarlar

Fərrux İlhamoğlu

Bizi idarə edən güc: Netokratiya

Bizi idarə edən güc: Netokratiya
Sevil Rəsulzadə

Tor: şəbəkənin nəzarətindən azad olmaq imkanı

Tor: şəbəkənin nəzarətindən azad olmaq imkanı
Günel Azadə

4G mobil texnologiyası niyə ləngiyir?

4G mobil texnologiyası niyə ləngiyir?
Kamran Ədalətoğlu

Rəqəmli yayım: mərkəzdən kənarda yaşayanlar nə etsin?

Rəqəmli yayım: mərkəzdən kənarda yaşayanlar nə etsin?
İsmayıl Rafiqoğlu

Elektron Hökumət: çətinmi, ASAN-mı?

Elektron Hökumət: çətinmi, ASAN-mı?
Bütün yazarlar