Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

İnformasiya məsələləri üzrə müvəkkil lazımdırmı?

28.12.2010 [18:18]

Fontu böyüt:

İnformasiya məsələləri üzrə müvəkkil lazımdırmı? Əgər belə olsa, onda gərək müəllimlər, yaxud da həkimlər özlərinə ombudsman tələb edə? Bu mövzu bu gün Media Mərkəzində keçirilən “Azərbaycanda debat mədəniyyəti” proqramı çərçivəsindəki sonuncu tədbirdə bildirilib. Debat iştirakçısı olan Media Hüquqları İnstitutunun direktoru Rəşid Hacılı deyib ki, ümumi insan hüquqları üzrə

Debat iştirakçısı olan Media Hüquqları İnstitutunun direktoru Rəşid Hacılı deyib ki, ümumi insan hüquqları üzrə ombudsmanın hüquqları konseptual baxımdan informasiya məsələləri üzrə müvəkkilin hüquqlarından bir qədər fərqlənir:
“İnformasiya azadlığı hökumətlə sıx işləmək və konkret məsələlərlə bağlı qərar qəbul etmək və onların icrasına nəzarət etmək hüququ var. Hansı ki, insan hüquqları üzər ombudsmanın belə səlahiyyəti yoxdur. O, yalnız tövsiyələr verir. Ombudsmanın qərar qəbul etmək ixtiyarı yoxdur. Amma qanuna görə, informasiya məsələləri üzrə ombudsmanın informasiyanı verməklə bağlı dövlət orqanını üzərinə öhdəlik də qoyur”.

İnsan Hüquqları üzrə Müvəkilin nümayəndəsi Zaur Əliyev isə Milli Məclisdə 21 dekabrda qəbul edilən qərarı tamamilə qanuna uyğun və məntiqə uyğun hesab edib: “İnformasiya məsələləri üzrə müvəkkilə verilən səlahiyyətlər Ombudsmanın ümumi səlahiyyətlərinə uyğun gəlir. Həm də indiyə qədər dünyanın bir çox ölkələrində ayrı-arı ombudsmanların olması səmərəsiz olduğunu sübut edib. İsveçdə 9 ombudsman var idi. Sonradan bu sistemin səmərə vermədiyini görüb sayını 7-yə çatdırdılar. Orda ayrıseçkilik, gender məsələləri üzrə ayrı-ayrı ombudsmanlar vardı. Bu cəmiyyətdə həm ayrıseçkilik yaradır, həm də çaşqınlıq”.

Z.Əliyev deyib ki, hələlik bu işi görmək üçün Ombudsman Aparatının nəzdində şöbə, yaxud departament olub-olmayacağı haqda konkret söz demək mümkün deyil: “Bizim də müraciətimiz olacaq ki, Aparata əlavə ştat verilsin”.

“Yeni Nəsil” Jurnalistlər Birliyinin sədri Arif Əliyev bildirib ki, əslində qanuna əsasən informasiya hüquqları üzrə müvəkkilin görəcəyi iş çox əhatəlidir və indiki Ombudsman Aparatının bu yükü daşımaq imkanı yoxdur: “Amma nəzərə alsaq ki, yaradılan hər bir struktur imitasiya olur, ideyanın öldürülməsinə gəlir, onda indiki Ombudsmanın bu məsələlərə nəzarət etməsi daha yaxşıdır. Çünki indiki durumda informasiya məsələləri üzrə müvəkkil yaradılsaydı, bu, çox zəif olacaqdı və tezliklə jurnalistlərə qarşı növbəti senzura səddindən birinə çevriləcəkdi”.

Hüquqçünas Ələsgər Məmmədli bildirib ki, institutun yaradılmaması qanuna olan hörmətsizlikdən irəli gəlir. Əgər indiki Ombudsman Aparatının tərkibində əlavə ştatlar yaradılmasa, onda bunun real əhəmiyyəti olmayacaq.

Oxunub: 1 dəfə