Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

İnternetdə informasiya: bunun etik və hüquqi məsuliyyəti haqda kitab təqdim edilib

27.11.2014 [10:28]

Fontu böyüt:

Noyabrın 26-da Jurnalistlərin Həmkarlar İttifaqı (JuHİ) “İnternet üzərindən yayılan informasiyalara görə yaranan etik və hüquqi məsuliyyət” kitabının təqdimatını keçirib.

Kitab KİV-in İnkişafına Dövlət Dəstəyi Fondunun maliyyə yardımı ilə icra olunan “İnternet üzərindən yayılan informasiyalara görə yaranan hüquqi məsuliyyət mövzusunda KİV təmsilçilərinin maarifləndirilməsi” layihəsi çərçivəsində hazırlanıb.

JuHİ sədri, KİV-in İnkişafına Dövlət Dəstəyi Fondunun Müşahidə Şurasının üzvü Müşfiq Ələsgərli bildirib ki, bu gün interneti, sosial şəbəkələri “nəzarətsiz zona” kimi dəyərləndirənlər də çoxdur: “Şəxsi həyatın toxunulmazlığı prinsipindən, təhqir və böhtanın yolverilməzliyindən, ailə-məişət mövzusuna dair informasiyaların həssaslığından, “Dövlət sirri haqqında” qanundan xəbərsiz olanlar hüquqi məsuliyyəti nəzərə almadan yaydıqları qeyri-dəqiq, əsaslandırılmamış informasiyalarla həm informasiya obyektlərinə, həm də özlərinə ciddi problem yaratmış olurlar. Avqust ayında cəbhə bölgəsində yaşanan qısamüddətli gərginlik zamanı biz bu problemi daha dəqiq müşahidə edə bildik. Dövlət strukturları, əlaqədar orqanlar problemin aradan qaldırılması üçün müdaxilə etməli oldular.

“İnternet üzərindən yayılan informasiyalara görə yaranan etik və hüquqi məsuliyyət” kitabı bu problemlərin aradan qaldırılmasına yardım göstərmək, ölkə vətəndaşlarına internet istifadəsi zamanı həssas yanaşmalı olduqları məsələlər barədə bilgi vermək məqsədi daşıyır. Cinayət Məcəlləsi, İnzibati Xətalar Məcəlləsi, Mülki Məcəllə, “KİV haqqında” qanunda internet üzərindən yayılan informasiyalara tətbiq edilə biləcək maddələr toplanaraq bu kitabda əks edilib və barələrində şərhlər verilib”.

Müşfiq Ələsgərli bildirib ki, vəsait KİV redaksiyalarına pulsuz paylanacaq. Həmçinin kitabın elektron versiyası JuHİ-nin saytında yerləşdiriləcək ki, bütün internet istifadəçiləri ondan faydalana bilsin.

Tədbirdə media ekspertləri Ələsgər Məmmədlinin, Azər Həsrətin məruzələri dinləndikdən sonra müzakirələr aparılıb. Jurnalistlər Bəhruz Quliyev, Elçin Mirzəbəyli, Tapdıq Abbas, Aydın Quliyev, Anar Qaraxançallı, Niyaz Niftiyev, Elçin Zahiroğlu və digərləri təqdimatı keçirilən vəsaitə ciddi ehtiyac olduğunu qeyd ediblər.

Mənbə: mediaforum.az