Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

“Evrovision.az” saytına 2 milyon manat ayrılıb?

18.05.2012 [20:58]

Fontu böyüt:

Osman Gündüz saytın real vəziyyətə tab gətirməməsinin narahatçılıq doğurduğunu deyir. Çünki «Evrovision.az» saytı kimi strateji, dövlət və beynəlxalq əhəmiyyətli bir resursun hazırlanmasına, qorunmasına, hansı proqramlardan, kadrlardan, təhlükəsizlik vasitələrindən

Osman Gündüz: «Bu səviyyədə saytın hazırlanması cüzi məbləğə başa gəlir»

Bakıda keçiriləcək “Eurovision” yarışması çəkilən xərclərə görə tarixə düşə bilər. Müsabiqənin hazırlığına sərf edilən vəsaitlə yanaşı «Eurovision.az» saytı da fantastik qiymətə başa gəlib. «Twitter» sosial şəbəkəsində yayılan xəbərə görə, sayt üçün 2 milyon manat vəsait ayırılıb. Lakin sayt işə düşən gündən bəri dəfələrlə haker hücumlarına məruz qalıb. Bu da onun təhlüksizliyinin lazım olan səviyyədə qurulmadığını göstərir. Belə olan halda bir sayta 2 milyon manat sərf edilməsi nə dərəcədə realdır?

Azərbaycan İnternet Forumunun prezidenti Osman Gündüz saytın real vəziyyətə tab gətirməməsinin narahatçılıq doğurduğunu deyir. Çünki «Evrovision.az» saytı kimi strateji, dövlət və beynəlxalq əhəmiyyətli bir resursun hazırlanmasına, qorunmasına, hansı proqramlardan, kadrlardan, təhlükəsizlik vasitələrindən istifadə olunmasına təhlükəsizliyə cavab verən dövlət qurumları ciddi nəzarət etməlidir:
«Necə ki, qabaqcadan Azərbaycana hərəkət edən narkotik trafikin qarşısı alınırsa, bu trafikin də qarşısı alına bilər. Ən azı bu sayta xidmət edən qurum əgər İrandan şübhələnirsə, bu ölkədən daxil olan trafikin qarşısını almaq bir dəqiqəlik işdir. Elə edə bilərlər ki, İrandan bu sayta trafik daxil olmasın. Hücumların qarşısını almaq üçün texniki vasitələr var. Bu vasitələr qabaqcadan də işə salına bilər, hücum vaxtı da. Əgər sayt dağıdılıbsa, demək nəzarət yoxdur.

Necə ola bilər ki, bu dərəcədə strateji əhəmiyyətli bir resursa nəzarət belə zəifdir».
Ekspertin sözlərinə görə, bu qədər vəsait ayrılan, ciddi diqqət mərkəzində olan beynəxalq əhəmiyyətli bir resursa yetərincə diqqətin olmaması Azərbaycandakı ciddi problemdən xəbər verir. Bu artıq onun göstəricisidir ki, Azərbaycanda kibercinayətkarlığa qarşı mübarizə ilə bağlı ciddi infrastruktur problemləri var. Kimin bu sahəyə cavab verməsi məlum deyil. Baxmayaraq ki, MTN bu istiqamətdə araşdırmalar apara bilər.

Ekspert hesab edir ki, virtual dünyada cinayətkarlığa qarşı mübarizə aparmaq üçün Milli Təhlükəsizlik Nazirliyində xüsusi idarə yaradılmalıdır. Eyni zamanda Daxili İşlər Nazirliyi internetdə baş verən qanunsuz əməlləri araşdırmalıdır.

«Evrovision.az» saytına xərclənən vəsaitlərə toxunan ekspertin fikrincə, bu səviyyədə saytın hazırlanması cüzi məbləğə başa gəlir. Onun qorunması, hücumların qarşısının alınması, profilaktik işin aparılması isə müəyyən məbləğ tələb edir. Ancaq burda 2 milyon manatdan söhbət gedə bilməz. Baş verənlər göstərir ki, sayt üçün ayrılan vəsaitdən səmərəli, effektiv istifadə olunmur.

Azadlıq qəzeti , 18 May 2012 , Fizzə

Oxunub: 0 dəfə