Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

ABŞ-ın nüfuzlu investisiya fondu “Microsoft” rəhbərini istefa verməyə çağırıb

27.05.2011 [11:18]

Fontu böyüt:

ABŞ-ın nüfuzlu “Greenlight Capital” özəl investisiya fondunun rəhbəri Devid Aynhorn Nyu-Yorkdakı çıxışı zamanı “Microsoft” korporasiyasının icraçı direktoru Stiv Ballmeri tutduğu vəzifəni tərk etməyə çağırıb. Xeberler.az-ın Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, Devid Aynhorn hesab edir ki, məhz Stiv Ballmerin rəhbərliyi altında proqram təminatı sahəsinin nəhəngi olan “Microsoft” olduqca zəif templərlə inkişaf edir, ABŞ-ın və dünyanın informasiya texnologiyaları bazarlarında mövqelərini itirir.

Devid Aynhorna görə, Stiv Ballmerin fəaliyyəti ucbatından “Microsoft”un səhmlərinin dəyəri bir neçə ildir ki, artmır, korporasiyanın özü isə bu gün olduqca perspektivli görünən internet-servis və mobil kompüter bazarlarına uyğunlaşmaq üçün vaxtında tədbir görə bilməyib.

Qeyd edək ki, “Greenlight Capital” artıq uzun müddətdir ki, “Microsoft”un qiymətli kağızlarının bəzi hissəsinin sahibidir. Stiv Ballmerin “Apple” şirkətinin “iPhone” və “iPod” qurğularından biznes üçün gələcək təhlükəni lazımı dərəcədə qiymətləndirmədiyini, eləcə də bir çox ətraflı düşünülməmiş birləşmələr və əldəetmələr həyata keçirdiyini söyləyən “Greenlight Capital”-ın rəhbəri əsasən faydasız olan bu addımlar nəticəsində şirkətin biznesini kifayət qədər genişləndirmək mümkün olmadığını vurğulayıb. Devid Aynhornun sözlərinə görə, “Microsoft”-un icraçı direktoru artıq öz gücünü itirib və keçmişdə qalıb: “Çünki o, öz uşaqlarına “Google” və “iPod”-dan istifadə etməyi qadağan edir”.

İnvestisiya fondunun rəhbəri korporasiyanın “Google” şirkəti ilə rəqabət aparması üçün nəzərdə tutulan axtarış servisi yaratmaq cəhdlərini də tənqid edib və bu addımları “uğursuz” adlandırıb. Devid Aynhorn Stiv Balmeri istefa verməyə və dünyanın ən iri proqram təminatı istehsalçısının icraçı direktor mövqeyində “digəri üçün öz gücünü sınamaq” imkan yaratmağa çağırıb.

Xatırladaq ki, “Microsoft” informasiya texnologiyaları şirkətləri sahəsində kapitallaşma göstəricilərinə görə üçüncü pilləyə enib, “Apple” və IBM şirkətlərindən geridə qalıb.

Oxunub: 1 dəfə