Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

Azərbaycan Latviyanın İT sektorda əldə etdiyi təcrübənin öyrənilməsinə sət göstərir

12.08.2009 [16:51]

Fontu böyüt:

Latviya prezidentinin Azərbaycana rəsmi səfəri çərçivəsində Bakıda Rabitə və İnformasiya Texnologiyaları Nazirliyində (RİTN) Latviyanın nəqliyyat və rabitə naziri Kaspers Gerxardsın başçılıq etdiyi nümayəndə heyəti ilə görüş keçirilib.
Görüşdə Azərbaycanın rabitə və informasiya texnologiyaları naziri Əli Abbasov və K.Gerxardsın başçılıq etdiyi nümayəndə heyəti tərəfindən iki ölkə arasında rabitə və İT sektorlarında əməkdaşlıq perspektivləri və mümkün əməkdaşlığın bir neçə istiqamətləri üzrə müzakirələr aparılıb.

Ə.Abbasovun sözlərinə görə, Azərbaycan tərəfini maraqlandıran bir neçə əsas istiqamət var. Belə ki, Qərbi Avropa ilə Sakit Okean regionunu birləşdirən optik rabitə magistralının qurulması layihəsi çərçivəsində hazırda diplomatik kanallarla danışıqlar aparılır və yaxın zamanlarda bu məsələnin BMT-nin Baş Assambleyasında müzakirəyə çıxarılacağı gözlənilir. Nazir məhz bu sahədə Latviyanın da iştirakının əlverişli olacağını düşünür. Bu baxımdan Azərbaycan Latviyadan layihə üzrə siyasi dəstək gözləyir. Nazir yaxın vaxtlarda bu məsələ ilə bağlı BMT-dəki müzakirələr qabağı son hazırlıq kimi Bakıda keçiriləcək beynəlxalq konfransa Latviyanı da dəvət edib.

Bundan əlavə, Latviyada yaradılmış və İT sektorda fəaliyyət göstərən şirkət və qurumları birləşdirən İT-klaster adlanan İctimai Birliklə ikitərəfli əməkdaşlığın geniş perspektivlərinin mövcudluğu vurğulanıb.

Görüşdə digər əməkdaşlıq istiqamətləri əsasən Latviyanın İT sektorda əldə etdiyi təcrübənin öyrənilməsi ilə bağlı olub. Latviyanın elektron hökumətin yaradılması sahəsində və «Microsoft» şirkəti ilə birlikdə «azsaylı dillər probleminin» həllində olan təcrübəsi Azərbaycan üçün faydalı ola biləcəyi qeyd olunub.

Beləliklə, görüşdə Azərbaycanla Latviya arasında əməkdaşlığın əsas istiqamətləri müəyyən edilib, həmçinin birgə fəaliyyətin perspektivləri müzakirə olunub.

xeberler.az

Oxunub: 1 dəfə