Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

Bu gün Bakıda İnnovasiyalar Gününə həsr olunmuş forum keçirilib

01.07.2010 [03:58]

Fontu böyüt:

Tədbir çərçivəsində «Xalq Kompüteri» layihəsinin əsas mərhələsinin başlanması haqda razılaşma imzalanıb. Layihənin yeni mərhələsi «Microsoft Azərbaycan», Azərbaycan Rabitə və İnformasiya Texnologiyaları Nazirliyi, Azərbaycan Təhsil Nazirliyi, «Hewlett Packard», «Ultra» və «Bestcomp» şirkətləri reallaşdıracaq.

Tədbirdə çıxış edən Azərbaycanın Rabitə və Informasiya Texnologiyaları naziri Əli Abbasov «Xalq Kompüteri» layihəsinin uğurlu icrasından məlumat verib və qeyd edib ki, hazırda Azərbaycanda hər 100 nəfərə 12 kompüter düşür: «Bizim məqsədimiz bu rəqəmi artırmaqdır. Belə ki, ölkə əhalisinin Azərbaycanda göstərilən bütün elektron xidmətlərinə ilk növbədə çıxışı olmalıdır».

Layihənin ilkin mərhələsində müəllimlərə kredit şərtələri ilə təxminən 8 min kompüterin verildiyindən danışan nazir həmçinin bildirib ki, müəllimlər kreditləri vaxtı-vaxtında qaytara bilib və qərar qəbul olunub ki, layihənin yeni mərhələsində kompüterlər şagirdlərə də kredit şərtələri ilə verilsin: «Biz bu layihəni təkcə Bakıda deyil, Azərbaycanın digər bölgələrində də icra edəcəyik».

Öz növbəsində tədbirdə çıxış edən Azərbaycanın təhsil naziri Misir Mərdanov hazırda ölkədə 2 mln. tələbə və şagird və 200 min müəllimin olduğunu qeyd edib və bildirib ki, layihə çərçivəsində imkanlar bir qədər də artırılacaq: «İndi «Xalq Kompüteri» layihəsi çərçivəsində kompüterləri müəllimlərlə yanaşı tələbə və şagirdlər də əldə edə biləcək. Təklif edirəm ki, gələcəkdə bu layihə məktəbəqədər müəssisələri, peşə məktəbləri, texnikum və kollecləri də əhatə etsin».

Tədbirdə çıxış edən Rabitə və İnformasiya Texnologiyaları Nazirliyinin şöbə müdiri Rüfət Gülməmmədov qeyd edib ki, layihənin yeni mərhələsi çərçivəsində müəllim və tələbələr kompüterləri bazar qiymətlərindən 25-40% aşağı qiymətlərlə, 12 aylıq faizsiz kreditlə əldə edə biləcək.

Qeyd edək ki, «Xalq Kompüteri» layihəsinin əsas məqsədi müəllimlərin və şagirdlərin müasir kompüter və lisenziyalı proqram təminatını güzəştli şərtlərlə əldə etməsi üçün şərait yaratmaq, bölgələrdə İKT-nin tətbiqini genişləndirməklə rəqəmli geriliyi azaltmaq, Azərbaycan hökumətinin informasiya cəmiyyətinin və e-hökumətin inkişaf etdirilməsi istiqamətində apardığı fəaliyyəti dəstəkləməkdən ibarətdir. Layihənin ümumi konsepsiyası bir sıra mühüm dövlət proqramlarını, o cümlədən Rabitə və informasiya texnologiyalarının inkişafı üzrə Dövlət Proqramına («e-Azərbaycan») və 2008-2012-ci illərdə ölkədə Təhsil sisteminin informasiyalaşdırılması üzrə Dövlət Proqramına tam uyğundur.

mənbə: APA

Oxunub: 1 dəfə