Startup Azərbaycan tərəfindən bir sıra tədbirlər keçirilib. Startup Azərbaycan Layihəsinin cari ildəki fəaliyyəti ilə bağlı Təqdimat olub, “Azərbaycanda İnternet biznes: mövcud vəziyyət və inkişaf perspektivləri” mövzusunda Konfrans və uğurlu startupların İnvestorlarla qapalı Görüşü keçirilib.
Startup Azərbaycan tərəfindən bir sıra tədbirlər keçirilib. Startup Azərbaycan Layihəsinin cari ildəki fəaliyyəti ilə bağlı Təqdimat olub, “Azərbaycanda İnternet biznes: mövcud vəziyyət və inkişaf perspektivləri” mövzusunda Konfrans və uğurlu startupların İnvestorlarla qapalı Görüşü keçirilib.
Tədbirin açılış mərasimində Rabitə və İnformasiya Texnologiyaları naziri
Əli Abbasov iştirak edib.
Azərbaycan İnternet Forumunun prezidenti , Startup Azərbaycan Layihəsinin TK üzvü
Osman Gündüz açılış nitqi ilə çıxış edib. O, İnternet –biznes və milli startupların inkişafının indiki dövrdə Azərbaycan üçün aktual olduğunu diqqətə çatdırıb. “İKT ili” çərçivəsində bu tədbirin xüsusi əhəmiyyət kəsb etdiyini bildirib.
Startup Azərbaycan layihəsinin Baş sponsoru olan Bakcell şirkətinin rəsmisi
Mark Zirka bu tip Layihələrin ölkədə İT biznesin inkişafı üçün xüsusi əhəmiyyət kəsb etdiyini diqqətə çatdırıb. O, Layihə çərçivəsində keçirilən tədbirlərin, xüsusilə Müsabiqənin startupların inkişafı üçün xeyli faydalı olduğunu bildirib. Bakcell olaraq belə tədbirlərin təşkilində həmişə maraqlı olduqlarını qeyd edib.
Startup Azərbaycan TK üzvü
Osman Gündüz Startup Azərbaycan Layihəsinin cari ildəki yekunları haqqında təqdimat edib. Ötən dövrdə keçirilən tədbirlər haqqında məlumatlar verib. Layihənin kifayət qədər uğurlu olmasında dövlət dəstəyinin və Startup Azərbaycan ətrafında formalaşan Komandanın mühüm rolu oynadığını qeyd edib. O, layihənin davamlı olacağını diqqətə çatdırıb.
Sonra Startup Azərbaycan Müsabiqəsinin finalçıları elan olunub, Ekspertlərin qiymətləndirməsi ilə 15 Yarımfinalçı arasından 6
Layihənin finala çıxdığı elan olunub.
Rabitə və İnformasiya texnologiyaları naziri
Əli Abbasov Finalçılara mükafatlar və diplomlar təqdim edib və onlara uğurlar arzulayıb.
Finalçılara Bakcell, İnfipro, SİNAM və Goldenpay şirkətlərinin hədiyyələri təqdim edilib.
Startup Azərbaycan Müsabiqəsinə təqdim olunan Layihələrin qiymətləndirilməsində iştirak edən Ekspertlərə Təşəkkürnamələr təqdim edilib.
Sonra nazir
Əli Abbasov Azərbaycanda İnternet biznesin və milli startupların inkişafı ilə bağlı geniş nitq söyləyib. Bu sahədə mövcud vəziyyəti təhlil edib və hökumətin bu istiqamətdə həyata keçirəcəyi addımlardan söz açıb.
O, dövlət başçısı tərəfindən bu sahəyə xüsusi diqqət yetirildiyini, İT İnkişafı üzrə Dövlət Fondunun və Yüksək Texnologiyalar Texnoparkının yaradıldığını, yaxın 3 ildə İnternetin inkişafına 450 milyon manat vəsait ayrılacağını diqqətə çatdırıb.
Nazir çıxışında, ölkədə milli startuplar ekosisteminin bütün parametrlərinin yaxın zamanda daha da inkişaf edəcəyinə əmin olunduğunu bildirib, innovativ təkliflər və layihələrə, onların patentləşdirilməsinə hər zaman dəstək olacağını vurğulayıb.
Daha sonra “Azərbaycanda İnternet biznes : mövcud vəziyyət və inkişaf perspektivləri” mövzusunda Konfrans öz işinə başlayıb.
Üç Panel çərçivəsində keçirilən Konfrans dövlət və özəl sektorun nümayəndələrinin, startupçıların və İT ekspertlərin, xüsusilə Investorların iştirakı ilə maraqlı çıxışlar və diskussiyalarla davam edib.
Sonda Startup Azərbaycan müsabiqəsinin Finalçıları ilə İnvestorların (fərdi və şirkət olaraq) qapalı toplantısı ( Pitç sessiya ) keçirilib.
Startup Azərbaycan TK üzvü
Osman Gündüz İnvestorlar qarşısında çıxış edərək İT biznes və startup sahəsinə diqqətə görə İnvestorlara minnətdarlığını bildirib. O, bu tip tədbirlərin ölkədə startup ekosistemin formalaşmasında mühüm rol oynadığını vurğulayıb və belə tədbirlərin davamlı olacağını qeyd edib.
Osman Gündüz Startup Azərbaycan olaraq İnvestorlara əlaqələrin genişləndirilməsi məqsədilə İT biznes və Startuplara dəstək verən, bu biznesin inkişafında maraqlı olan İnvestorların Klubunun da yaradılmasının nəzərdə tutulduğunu bildirib.
Sonra Finalçılar İnvestorlar qarşısında öz Layihələri ilə bağlı təqdimatlar ediblər. İnvestorları maraqlandıran sualları cavablandırıblar. Bəzi Layihələr İnvestorların diqqətini cəlb edib və bu tip startuplarla əlaqələrin gələcəkdə gücləndirilməsi və iş birliyin qurulması nəzərdə tutulub.
Startup Azərbaycan Layihəsi çərçivəsində keçirilən tədbirlərdə startuplar sahəsində bütün maraqlı tərəflər - startup komandaları, dövlət qurumları və texnoparkların nümayəndələri, İnvestorlar və İT şirkətlər, mentorlar və ekspertlər , beynəlxalq qurumların nümayəndələri iştirak edib.
Startup Azərbaycan Layihəsinə Rabitə və İnformasiya Texnologiyaları nazirliyi dəstək verir.
Startup Azərbaycanın Baş sponsoru Bakcell şirkətidir.
Microsoft, İnfi Pro şirkətləri də Startup Azərbaycanın sponsorlarıdır.
Təqdimat mərasimindən hazırlanan foto materiallar :
https://www.facebook.com/media/set/?set=a.549540861771916.1073741837.486851951374141&type=3Konfransla bağlı foto materiallar :
https://www.facebook.com/media/set/?set=a.549547158437953.1073741838.486851951374141&type=3Finalçıların İnvestorlarla Görüşündən (Pitç sessiya) hazırlanan foto materiallar :
https://www.facebook.com/media/set/?set=a.549553131770689.1073741839.486851951374141&type=3Geniş məlumat : www.startup.az
Startup Azərbaycan TK
492 -44 44
www.startup.az
[email protected] @startupaze
fb.com/startupazerbaijan
İNFORMASİYA VƏ KOMMUNİKASİYA TEXNOLOGİYALARI PORTALI
21.04.2012
HTC bundan sonra klaviaturalı model çıxarmayacaq
