Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

“RİTN mobil operatorlara qarşı ayrı-seçkilik siyasəti yürüdür”

09.12.2009 [22:01]

Fontu böyüt:

“Bizdə lisenziya cəmi 11 min manatdır. Sual meydana çıxır: niyə tender keçirilmədi? Niyə RİTN hədiyyə verir? Niyə ayrıseçkilik siyasəti yürüdür? Nazirlik izahat verməlidir”

"RİTN mobil operatorlara qarşı ayrı-seçkilik siyasəti yürüdür"- bu sözləri Turan-a müsahibəsində Azərbaycan İnternet Forumunun prezidenti Osman Gündüz bildirib.Belə ki, dünən Azercell şirkəti Azərbaycanda 3G texnologiyasının lisenziyalaşdırılması barədə bəyanat yayıb.

Bu bəyanat Rabitə və İnformasiya Texnologiyaları Nazirliyi (RİTN) 3G xidməti üçün başqa bir mobil rabitə operatoruna - Azərfona lisenziya verəndən sonra yayılıb. Azercell şirkəti lisenziya üçün dəfələrlə RİTN-ə müraciət edib. Amma bu vaxtadək şirkətə lisenziya verilməyib. Müstəqil ekspert və Azərbaycan İnternet Forumunun prezidenti Osman Gündüzün sözlərinə görə, RİTN 3G-nin tətbiqini qəsdən ləngidir. “Rabitə və informasiya texnologiyaları nazirinin müavini Elmira Vəlizadənin bəyanatı bunu sübut edir. Müsahibədə bu fikir qırmızı xətlə keçir ki, qonşu ölkələrdə 3G yoxdursa, tələsməyə nə lüzum? Vəlizadə qəsdən cəmiyyəti çaşdırır”, deyə o, Turan-a bildirib.

AİF prezidenti məlumat verib ki, inkişaf etmiş ölkələrdə 3G 2001-ci illdən tətbiq edilib. MDB-yə gəlincə, 3G Gürcüstanda 2006-cı ildə, Belarusiya, Rusiya, Ukrayna, Özbəkistanda 2007-ci ildə, Moldovada 2008-ci ildə tətbiq olunub.

Gündüz 3G lisenziyasının təkcə bir operatora verilməsini qanunsuz adlandırıb. “Azercell bu məqsədlə 2 il əvvəl müraciət edib. Bundan başqa, şirkət ölkə prezidentinə 3G nümayiş etdirərək, Bakı ilə Naxçıvan arasında video-audio rabitə yaradıb.

Lisenziya məsələsini prezident İlham Əliyevlə müzakirə etmək üçün 13 may 2009-cu ildə TeliaSonera şirkətinin baş icraçı direktoru Lars Niberq Bakıya gəlmişdi. Amma lisenziyanı ölkə iqtisadiyyatına 1 mlrd manat qoyan Azercell yox, bazara təzə çıxan Azerfon aldı”, - deyə o əlavə edib.

“Dünya təcrübəsində lisenziya verilməsinin 3 üsulu var: hərrac yolu ilə, tenderlə və fəaliyyətin təhlili yolu ilə. RİTN heç olmasa Azercell-in ərizəsini müzakirə etməli, ən pis halda hər iki şirkətə lisenziya verməli idi. Amma o, başqa cür hərəkət etdi. Nəticədə Azerfon marketinq üstünlüyü və yeni korporativ müştərilər əldə etdi.

Dünyada 3G lisenziyası ucuz deyil. Ukraynada lisenziyanın dəyəri $30 mln-dur, inkşaf etmiş ölkələrdə isə yüz milyon, hətta milyardlardan söhbət gedir. Bu, ona görədir ki, lisenziya tezliklə əlaqədardır, bu isə dövlət resursudur və məhduddur. Bizdə lisenziya cəmi 11 min manatdır. Sual meydana çıxır: niyə tender keçirilmədi? Niyə RİTN hədiyyə verir? Niyə ayrıseçkilik siyasəti yürüdür? Nazirlik izahat verməlidir”, - deyə Gündüz sözünə yekunlaşdırıb. -

xeberler.az

Oxunub: 1 dəfə