Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

Fimbank-ın Azərbaycan dövlətinə qarşı iddiası ilə əlaqədar növbəti məhkəmə iclası olacaq

05.10.2009 [18:52]

Fontu böyüt:

“First International Merchant Bank” Ltd.-nin (FIM Bank) Azərbaycan dövlətinə qarşı Rotterdam Məhkəməsinə iddiası ilə əlaqədar 6-7 oktyabr 2009-cu il tarixlərində növbəti məhkəmə iclası keçiriləcək.

Maltanın “First International Merchant Bank” Ltd.-nin (FIM Bank) Azərbaycan dövlətinə qarşı Rotterdam Məhkəməsinə iddiası ilə əlaqədar 6-7 oktyabr 2009-cu il tarixlərində növbəti məhkəmə iclası keçiriləcək.

Qeyd edək ki, Rotterdam Məhkəməsinin 24 dekabr 2008-ci il tarixli qərarı ilə FIM Bank-ın tələblərinin, ilkin olaraq, sübuta yetirilmədiyi müəyyən edilmişdir.

Məhkəmənin qərarı ilə FİM Bank-a əlavə sübutların təqdim olunması və şahidlərin dindirilməsi imkanı verilmişdir.İddiaçının maraqlarını Loyens & Loeff, Azərbaycan dövlətinin maraqlarını Eversheds Faasen hüquq şirkətləri təmsil edir. Prosesdə Azərbaycan tərəfinin nümayəndəsi kimi Rabitə və İnformasiya Texnologiyaları Nazirliyinin Hüquq və kadrlar şöbəsinin müdiri Bəxtiyar Məmmədov iştirak edəcək.Azərbaycanda fəaliyyət göstərən Poçtbank Səhmdar-Kommersiya Bankı külli miqdarda borcu yarandığı üçün Azərbaycan hökuməti adından müəyyən sənədlər təqdim etməklə FİM Bank-dan kredit alıb.

FİM Bank-da həmin sənədlərin həqiqi olmadığını bilsələr də, ikitərəfli razılaşmalar nəticəsində kredit ayrılıb. Bu sənədlərdə göstərilib ki, guya Rabitə Nazirliyinə məxsus olan Aztell və Baktell şirkətləri (əslində, bu şirkətlər mövcud olmayıb) üçün telekommunikasiya avadanlıqları alınacaq və həmin vəsaitin geri qaytarılmasına dövlət Rabitə Nazirliyi qismində zəmanət verir. Poçtbank bu krediti qaytara bilmədiyi üçün FİM Bank onu Azərbaycan dövlətindən almaq məqsədilə müxtəlif ölkələrdə məhkəmələrə müraciət edib.

İddia ərizələrinin təmin olunması üçün görülmüş tədbirlər nəticəsində Azərbaycanın Hollandiyada New Skies Satellites N.V. şirkətindəki 50 000 ədəd səhminə, Fransada Eutelsat S.A. şirkətindəki 500 000 ədəd səhminə və səhmlərdən əldə edilən dividentlərə, Bermuda adalarında qeydiyyatdan keçmiş İntelsat ltd. şirkətindəki payına həbs qoyulması barədə qərar çıxarılmışdır.

2006-ci il noyabrın 10-da Paris Yuxarı İnstansiya Məhkəməsi Paris Məhkəməsinin Eutelsat S.A. peyk rabitəsi şirkətindəki Azərbaycan Rabitə və İnformasiya Texnologiyaları Nazirliyinin 500 min səhminə və bu səhmlərdən əldə edilən dividentlərə həbs tədbiri icra edilməsi barədə 8 iyul 2004-cü il tarixli qərarını ləğv edib.

xeberler.az

Oxunub: 1 dəfə