Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

3G lisenziyası almaqdan ötrü “Azercell”in rəsmi müraciətləri cavabsız qalıb

08.12.2009 [17:15]

Fontu böyüt:

Azərbaycanda mövcud olan dəyərləri qorumaq, yeni dəyərləri yaratmaq və yaratdığı dəyərləri paylaşmaq məqsədi ilə fəaliyyət göstərən “Azercell” şirkəti 3G texnologiyasının təqdimatına artıq iki ildən çoxdur ki, hazır olduğunu bildirir.

2008-ci ildə İKT sahəsində Azərbaycanın ən vacib tədbiri olan BakuTel sərgisində 3G texnologiyasını təqdim edən “Azercell” bu ilki sərgidə artıq 4G mobil texnologiyasını sınaqdan keçirmişdir.

Mobil rabitənin əhatə dairəsinin genişlənməsi və yeni texnologiyaların, xüsusilə 3G və daha qabaqcıl olanların tətbiqi Azərbaycanda informasiya texnologiyalarının gələcək inkişafı üçün böyük əhəmiyyət kəsb edir. Məhz bu texnologiyalar bütün iş adamlarının və sıravi vətəndaşların informasiya məkanına qovuşmağına imkan yaradır. Biliklərə əsaslanan cəmiyyətin əsas mühərriki kommunikasiya xidmətləridir. Bu növ xidmətlər iqtisadi artıma, sosial sahəyə və ətraf mühitə töhvə verir, daxili və xarici sərmayələri cəlb edir. Bütün operatorlar üçün bərabər şərait yaratmaqla və innovativ texnologiyaların tətbiqinə imkan açmaqla Azərbaycan, İT sahəsində Qafqazdakı birinciliyini qoruyub saxlaya və həqiqi informasiya cəmiyyətinə çevrilə bilər. Yuxarıda qeyd etdiyimiz kimi, Azərbaycanda 3G-ni təqdim etmək üçün ”Azercell” artıq iki ildən çoxdur ki hazırdır. Bu yalnız yeniliyin təqdim olunması və texnoloji baxımdan hazırlıq deyil, həmçinin müvafiq telefon modellərinin, cihazların təminatı və onların müştərilərə təqdimatı da daxildir. Biz 3G lisenziyası almaqdan ötrü müvafiq uyğunluq sertifikatları əldə etmək üçün müxtəlif tarixlərdə müvafiq strukturlara bir neçə dəfə yazılı müraciətlər etmişik. Lakin bu günə qədər həmin rəsmi müraciətlərimizə heç bir cavab almamışıq.

İqtisadi cəhətdən inkişaf etmiş istənilən ölkədə olduğu kimi, biz inanırıq ki, Azərbaycanda da həm siravi vətəndaşlar, həm də iş adamları ən müasir texnologiyaların bütün üstünlüklərindən faydalanmaq hüquqlarına malikdirlər. Təbii ki, davamlı inkişaf və innovasiyalar böyük sərmayələr tələb edir. Burada vurğulamaq yerinə düşərdi ki, “Azercell“ fəaliyyət göstərdiyi 13 (on üç) il ərzində ölkə iqtisadiyyatına təqribən 1 (bir) milyard ABŞ dolları məbləğində sərmayə yatırmışdır. Məhz bu baxımdan hesab edirik ki, 3G lisenziyası bütün operatorlara eyni zamanda verilsə, onlara öz müştərilərinə ən son texnologiyaları təqdim etmək üçün bərabər şərait yaratmış olar. Bu isə öz növbəsində İKT sektorunun inkişafı üçün daha geniş imkanlar yaradar. Bildiyimiz kimi, İKT sektorunun inkişafı ölkə Prezidenti tərəfindən əsas prioritetlərdən biri kimi elan olunmuşdur ki, bunu da rəhbər tutaraq, “Azercell Telekom” MMC öz tərəfindən, Azərbaycanda telekommunikasiya infrastrukturunun və xidmətlərinin gələcək inkişafına sərmayə yatırmaqda israrlıdır və həm ölkəmizin, həm də xalqımızın firavan gələcəyinə öz töhvəsini vermək əzmindədir.

xeberler.az

Oxunub: 1 dəfə