«Komtec LTD» şirkəti ilin sonunadək “MilliÖN” ödəmə sisteminə daha bir neçə aparıcı bank və qeyri-bank kredit təşkilatlarının qoşulacağını bildirib.
«Komtec LTD» şirkəti ilin sonunadək “MilliÖN” ödəmə sisteminə daha bir neçə aparıcı bank və qeyri-bank kredit təşkilatlarının qoşulacağını bildirib.
Şirkətdən “ICTnews” xəbər xidmətinə verilən məlumata əsasən, “AtaBank”, “Bank Respublika”, “Bank VTB-Azərbaycan” və həmçinin “Embafinans” və “Fleksi Kredit” qeyri-bank təşkilatları ilin sonuna kimi sistemə qoşulacaqlar.
Bu maliyyə institutlarının müştəriləri öz borclarını 24 saat ərzində bütün Azərbaycanın ərazisində, banka getməyə, parkinq axtarmağa, növbə gözləməyə vaxt itirmədən ödəyə bilərlər. Terminalların sayının ilin sonuna qədər 1600-ə çatdırılması planlaşdırılır.
“Bizim sistemə bank bazarının liderlərini qoşaraq və ödəmələrin tezliyini və artmasını müşahidə edərək belə nəticəyə gəldik ki, proqnozlar çox yaxşıdır - əhalinin bizim xidmətə inamı var və onlar bizim kiosklar vasitəsilə ödənişlərini etməyə müsbət yanaşırlar. Bankların rəhbərliyinin verdiyi məlumata əsasən, ödəmələrin vaxtının ötməsinin sayı olduqca azalmışdır. Keçən ay ərzində “MilliÖN” terminalları vasitəsilə 80000-ə yaxın kredit ödənişi həyata keçirilmişdir. Bunların hamısı bizim imkanların bank sahəsində gərəkli olmasını göstərir. Biz, öz növbəmizdə, məmnuniyyətlə bank və qeyri-bank təşkilatlarını öz sistemimizə qoşuruq” – deyə şirkətdə bildirilib.
Hazırda “MilliÖN” ödəmə sisteminə “DemirBank”, “TuranBank”, “AGBank”, “Unibank”, “Bank of Baku”, “Bank Standard”, həmçinin “Finca Azerbaijan” və “AzərKredit” qeyri-bank təşkilatları artıq qoşulublar. (ictnews.az)
İNFORMASİYA VƏ KOMMUNİKASİYA TEXNOLOGİYALARI PORTALI
21.04.2012
HTC bundan sonra klaviaturalı model çıxarmayacaq
