7 noyabrda Bakıda Startup Günləri başlayıb. Bununla əlaqədar Park İnn Hotelində açılış mərasimi keçirilib.
7 noyabrda Bakıda Startup Günləri başlayıb. Bununla əlaqədar Park İnn Hotelində açılış mərasimi keçirilib.
Azərbaycan İnternet Forumunun prezidenti , Startup Azərbaycan layihəsinin rəhbəri Osman Gündüz tədbiri açaraq , Startup Günlərinin məqsədinin ölkənin milli startup infrastrukturuna dəstək vermək, yeni startupların yaradılmasını stimullaşdırmaq , startuplar üçün infromasiya-metodiki dəstək göstərmək və startuplar arasında əlaqələrin gücləndirilməsindən ibarət olduğunu bildirib.
Açılış mərasimində Rabitə və İnformasiya Texnologiyaları nazirinin müavini Elmir Vəlizadə çıxış edərək dövlət tərəfindən milli startupların inkişafına dəstək göstərilməsinin prioritet olduğunu qeyd edib və bu dəstəyin qarşıdakı illərdə daha da güclənəcəyini bildirib. Nazir müavini bu cür tədbirlərin startup infrastrukturunun formalaşmasında mühüm əhəmiyyət kəsb etdiyini vurğulayıb.
Açılış mərasimində Yüksək Texnologiyalar parkının direktor müavini Cabbar Musayev və Bakcell şirkətindən Mark Zurka çıxış edərək İnternet biznes və milli startup sahəsinin inkişafında maraqlı olduqlarını qeyd edərək gələcəkdə də bu sahənin inkişafına dəstək verəcəklərini bildiriblər.
Daha sonra Startup Günləri çərçivəsində “Milli Startup infrastrukturun formalaşması və investisiya mənbələri” mövzusunda konfrans öz işinə başlayıb.
Konfransda RİTN yanında İT-nin İnkişafı Dövlət Fondunun İcraçı Direktoru Elçin Zeynalov, Yüksək Texnologiyalar Parkının şöbə müdiri Ülvi Aslanov, İnternet sahibkar Elnur Baimov və İnfipro şirkətinin nümayəndəsi Orxan Əliyev çıxış ediblər.
Startup Günlərində startupçılar innovativ biznes ideyalar ətrafında Komandalar formalaşdıracaq, mentorların və ekspertlərin köməyi yeni startup Layihələrinin ilkin variantlarını hazırlayacaqlar. Yekunda bu layihələrin təqdimatları və yarışması təşkil olunacaq və peşəkar münsiflər heyəti layihələri qiymətləndirəcək.
Qaliblərə və fərqlənənlərə təşkilatçıların və sponsorların, həmçinin GoldenPay, Cybernet və Multibon şirkətlərinin qiymətli hədiyyələri, diplomlar və sertifikatlar təqdim olunacaq.
Startup Günlərinə Rabitə və İnformasiya Texnologiyaları Nazirliyi, Yüksək Texnologiyalar Parkı və İnfipro dəstək verir.
Startup Günlərinin Baş sponsoru Bakcell şirkətidir.
Geniş məlumat : www.startupdays.startup.az
İNFORMASİYA VƏ KOMMUNİKASİYA TEXNOLOGİYALARI PORTALI
21.04.2012
HTC bundan sonra klaviaturalı model çıxarmayacaq
