BMT-nin iqtisadi və sosial məsələlər üzrə departamenti ölkələrin “Elektron hökumət”in inkişaf səviyyəsinə görə yeni “United Nations E-Government Survey 2014: E-Government for the Future We Want” reytinqini dərc etmişdir.
BMT-nin iqtisadi və sosial məsələlər üzrə departamenti ölkələrin “Elektron hökumət”in inkişaf səviyyəsinə görə yeni “United Nations E-Government Survey 2014: E-Government for the Future We Want” reytinqini dərc etmişdir.
Rabitə və Yüksək Texnologiyalar Nazirliyinin mətbuat xidmətindən bildirmişlər ki, reytinqdə ölkələr hakimiyyət orqanlarının informasiya və rabitə texnologiyalarından əhaliyə xidmət göstərmək üçün istifadəyə görə hazırlıq və bacarığın ölçülməsi indeksindən (EGDI) asılı olaraq qərarlaşmışdır.
Dünya siyahısında Azərbaycan 68-ci yeri tutaraq, əvvəlki reytinqlə müqayisədə 28 pillə irəliləmiş və Çin, Türkiyə, Serbiya kimi ölkələri geridə qoymuşdur. Azərbaycanın “EGDI” üzrə göstəricisi 0,5472 təşkil etmişdir. Siyahıda birinci yeri 0,9462 göstərici ilə Koreya Respublikası tutmuşdur.
Avropa regionu üzrə orta “EGDI” 0,6936, Amerika regionunda 0,5074, Asiya regionunda 0,4951, dünyada isə 0,4712 olmuşdur. Beləliklə, regional baxımdan ən yüksək “EGDI” göstəricisi Avropaya məxsusdur.
Reytinqdə ikinci və üçüncü yerləri müvafiq olaraq Avstraliya və Sinqapur tutmuşdur. Dördüncü yerdə Fransa, beşinci yerdə Niderland qərarlaşmışdır. İlk onluğa, həmçinin Yaponiya, ABŞ, Böyük Britaniya, Yeni Zelandiya və Finlandiya daxildir. (AzərTAc)
İNFORMASİYA VƏ KOMMUNİKASİYA TEXNOLOGİYALARI PORTALI
21.04.2012
HTC bundan sonra klaviaturalı model çıxarmayacaq
