22 noyabr 2024
İNFORMASİYA VƏ KOMMUNİKASİYA TEXNOLOGİYALARI PORTALI
İNFORMASİYA VƏ KOMMUNİKASİYA TEXNOLOGİYALARI PORTALI
21.04.2012
HTC bundan sonra klaviaturalı model çıxarmayacaq18.04.2012
Samsung və Apple CEO-ları görüşəcək17.04.2012
.@Azercell də Zero Facebook xidmətini istifadəyə verdi17.04.2012
Foursquare 20 Milyon istifadəçiyə çatdı16.04.2012
Samsung Galaxy S3, 3 Mayda tanıdılacaq13.04.2012
Yenilənən LiveTV.az və online yayımlar.12.04.2012
"Google Plus" dizaynını dəyişir11.04.2012
"Azerfon-Vodafone" bağlandı (?)11.04.2012
GoMap.az bazasında Gürcüstanın elektron xəritəsi yaradılmışdır11.04.2012
"Chrome OS" yeniləndi
Fontu böyüt:
Xəbər verdiyimiz kimi, Sosial bloq yazıları-2 müsabiqəsinin qalibi Teymur Mərdəliyevin "Azad insan" yazısı olub. Xeberler.az portalı həmin bloq yazısını təqdim edir.
Hər dəfə idman dərslərindən qayıdanda onu görürdüm. Hərəkətləri, əllərini yuması, dünya atlasına baxması məni cəlb edirdi. O, küçədə yaşayırdı. Taxta lövhə üzərində elə hey nə isə yazırdı. Mənim nəzərimdə o, dünyanın ən azad adamı idi.
Möhübbət Əli yaşının 50-dən artıq olduğunu söylədi. Dediyinə görə, Bakı Dövlət Universitetinin jurnalistika fakültəsini bitirib. Ancaq özünü savadlı hesab etmir…
İşsiz-gücsüz, heç kimin qarşısında məsuliyyət daşımayan, istədiyi vaxt yeyib, istədiyi vaxt yatan sərgərdan…
Çox təmizkardı. Natəmizlikdən zəhləsi getsə də küçə tualetlərindən istifadə etmir. Çünki pulu yoxdu…
Onun fikrincə Allah yalnız İslam və Musəvi dinlərində var. Xristianlıqda və buddizmdə Allah yoxdur… İslam şəriətindən danışır, Quranı yox ordakı surələri bildiyini deyir.
“Həyatda hər şey nisbidir! Sən kiminsə yanında savadlısansa, kiminsə yanında savadsızsan”.
Onu hər gün yeməklə yaşadığı bucağın yaxınlığındakı restoran təmin edir. Bir kasa mərci şorbası, balaca lavaş çörəyi… Makaron və “Sprite” göndərsələr də o, bunlardan imtina edir…
“Elə olub ki, qışda yaş kardona bürünüb yatmışam. Elə ilk evimi də kardondan tikmişəm. Onu da yaşlı bir kişi gəlib uçurdu, hardasa 2003-cü ildən burada qalıram.”
“İnsanlar vaxt bölgüsünü bilmirlər.” Möhübbət Əli, kimisə nəinki 15 dəqiqə hətta 1 dəqiqə gözləməyi belə vaxt itkisi sayır.
İnsanlarla söhbəti mənasız hesab edir. Onun fikrincə, söhbət vaxt aparır, işləməyə mane olur. O, hər gün rəqəmlərlə balaca taxta parçası üzərində nəsə qeydiyyat aparır. Nələrin qeydiyyatını apardığını isə demədi…
Şeirini o qədər də bəyənmir. Amma tələbə yoldaşlarının xoşladığı üçün onu özündə saxlayır. Yadında qalmış misraları mənə də söylədi.
Ağlama, ağlama yetər!
Hələki səni heç kəs aldatmayıb,
Sənə pislik eləməyib
Sənin üçün nə var?
Bir kimse səni sevib atmayıb
Sənin üçün nə var?
Bir az hövsələli ol vaxt gəlib keçər
Bir kimsə səni sevib atmayıb
Ağlama, yetər!
mənbə:http://sosium.com/azad-insan/
© 2008-2010 Xeberler.az
labrin
