Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

Yeni İnternet jurnalı yaradıldı

19.10.2010 [08:30]

Fontu böyüt:

Oktyabr 12-dən abzas.net internet jurnalı fəaliyyətə başlayıb. Saytı yaradanlar - gənc yazarlar Qan Turalı və Elmin Həsənlidir. Qan Turalı “Oxu zalı”na açıqlamasında yeni sayt haqda ətraflı məlumat verib.

- Siz həm də adyazar.az ədəbiyyat saytını idarə edirdiniz. abzas.net ondan nəylə fərqlənir?

- abzas.net-in əhatə dairəsi daha geniş olacaq, bu, yalnız ədəbiyyat saytı olmayacaq. Burada siyasət, jurnalistika, sosial mövzulara da yer veriləcək.

- Ədəbiyyat yönümlü ictimai-siyasi dərgi deyə bilərikmi buna?

- Düzdür, Elmin bəy də, mən də ədəbiyyat adamlarıyıq. Amma bizim dərgidə ədəbiyyatla bağlı mövzular xüsusi qabardılmayacaq, digər mövzular qədər yerə malik olacaq.

Bilirsiz, Azərbaycanda sırf ədəbiyyatla bağlı olan sayt işlətmək çox çətindir.

Biz bunu “adyazar”ın da təcrübəsində gördük. Çox az adam gəlir elə sayta və lokal dairələri əhatə edə bilir. Biz daha geniş auditoriyaya xitab etmək istəyirik.

Təkcə onu deyim ki, “adyazar”ın 2 ayda cəlb etdiyi oxucuları biz “abzas”da 2 günə gəlb edə bildik.

- Bəs “adyazar” fəaliyyətini davam etdirəcəkmi?

- Davam etdirəcək. Rasim Qaraca bu işi bizsiz görəcək.

- Multimedia proyektləriniz də olacaqmı?

- Bizim ideyamiz - bir supermarket qəzetçiliyi ideyasıdır. Yəni istəyirik ki, Azərbaycanda hər tipdən, hər təfəkkürdə, ən müxtəlif sosial qrupları təmsil edən oxucular gəlib bizin saytda oxumağa nəsə tapsınlar.

Bizim məqsədimiz konkret bir siyasi qüvvənin, yaxud ədəbi qrupun maraqlarına xidmət edən yox, bütün təbəqələrə xitab edə bilən bir sayt yaratmaqdır. Multimedia layihələrimiz də var.

Videolar çəkmək, audio müsahibələr vermək, İnternet verilişləri təşkil etmək – amma hələ ki Azərbaycanda İnternetin sürətinin aşağı olması belə layihələrə maneə yaradır.

Saytı mümkün qədər sadə hazırlamışıq ki, İnternetə çıxışı olan hər kəs, xüsusən də dial lab-dan istifadə edənlər ora rahat daxil ola bilsinlər.

- Ədəbiyyatla bağlı ayrıca layihələriniz olacaqmı?

- İlk növbədə Azərbaycan klassiklərinin ən yaxşı əsərlərini saytımıza yerləşdirəcəyik.

Çünki Azəbaycanda təhsilin səviyyəsi aşağıdır və məktəblərdə klassiklər də yaxşı tədris olunmur.

Bundan başqa dünya klassiklərini də saytımızda təqdim edəcəyik. “Günün şeiri” rubrikasında hər gün dünyanın tanınmış şairlərinin bir şeirini Azərbaycan dilində ilk dəfə oxucularımıza təqdim edirik.

Cəmiyyətdə baş verən hadisələrə yazarların münasibətini əks etdirən bloq yazılarını da dərc edirik.

- Mətbuatda tanınan imzaların hansılarını “abzas”a gətirmək fikrindəsiniz?

- Seymur Baycan bizimlə əməkdaşlıq edəcək. Elnur Astanbəyli bizə yazılar yazır. Rafiq Tağı ilə işbirliyimiz var. Elmir Mirzəyev, Sevda Sultanova bizə mütəmadi yazır.

Yeri gəlmişkən mən bütün bloqçulara müraciət etmək istərdim ki, əgər yazdıqlarını daha geniş kütlələrin oxumasını istəyirlərsə, yazılarını “abzas”a göndərsinlər.

mənbə: Azadlıq radiosu, http://www.azadliq.org/content/article/2193933.html

Oxunub: 1 dəfə