Azərbaycanın orta məktəblərində mobil telefonlara qadağa qoyulması üçün xüsusi qanunun qəbuluna ehtiyac yoxdur. Bunu APA-ya açıqlamasında Azərbaycan Təhsil Şurasının sədri Əjdər Ağayev deyib.
Azərbaycanın orta məktəblərində mobil telefonlara qadağa qoyulması üçün xüsusi qanunun qəbuluna ehtiyac yoxdur. Bunu APA-ya açıqlamasında Azərbaycan Təhsil Şurasının sədri Əjdər Ağayev deyib.
Onun sözlərinə görə, təhsil sahəsinin pedaqoji təlimatları var və onlar hüquq qədər mühüm rol oynayır. Ə.Ağayev qeyd edib ki, hər bir məktəbin rəhbərliyi mobil telefon qadağasını icra etmək üçün xüsusi iş üslubu seçməli, sinif rəhbərlərinə müvafiq tapşırıqlar verməlidir: “Hər bir sinif rəhbəri də bu tapşırıqlara uyğun davranmalıdır. Bu gün iş o yerə çatıb ki, hətta 1-ci sinifdən başlayaraq hər kəsin telefonu var. Əgər şagird yaxında yaşayırsa, maşınla aparılıb-gətirilirsə, ona, ümumiyyətlə, telefon lazım deyil. Məktəb özü bu işi həll etməlidir. Təhsil naziri hər məktəbə növbətçi qoyan, hər xırda hərəkət üçün əmr verən deyil. Belə olarsa, məktəbin özünün idarəçiliyi nəyə lazımdır? Bu xırda işləri həmkarlar təşkilatları məktəb rəhbərliyi ilə birgə həyata keçirilməlidir”.
Ə.Ağayev qeyd edib ki, bəzi məktəblərin təcrübəsinə görə bunu birdəfəlik qadağan etmək mümkün deyil. Onun sözlərinə görə, kapitalizm cəmiyyətində telefon bir növ təcili yardım rolunu oynayır: “Amma bu gün həmin problemin həllinin müəyyən norması var. Məktəbə daxil olan şagirdlərin hamısından telefonları alınaraq xüsusi yerə qoyulmalıdır. Onlar 4-5 saat dərslərini oxuduqdan sonra çıxanda telefonunu və digər əyani vəsaitləri alıb evə getməlidir. Amerikada bu təcrübədən istifadə edilir. Bunu ilk növbədə məktəblər özləri etməlidirlər”.
İNFORMASİYA VƏ KOMMUNİKASİYA TEXNOLOGİYALARI PORTALI
21.04.2012
HTC bundan sonra klaviaturalı model çıxarmayacaq
