22 noyabr 2024
İNFORMASİYA VƏ KOMMUNİKASİYA TEXNOLOGİYALARI PORTALI
İNFORMASİYA VƏ KOMMUNİKASİYA TEXNOLOGİYALARI PORTALI
21.04.2012
HTC bundan sonra klaviaturalı model çıxarmayacaq18.04.2012
Samsung və Apple CEO-ları görüşəcək17.04.2012
.@Azercell də Zero Facebook xidmətini istifadəyə verdi17.04.2012
Foursquare 20 Milyon istifadəçiyə çatdı16.04.2012
Samsung Galaxy S3, 3 Mayda tanıdılacaq13.04.2012
Yenilənən LiveTV.az və online yayımlar.12.04.2012
"Google Plus" dizaynını dəyişir11.04.2012
"Azerfon-Vodafone" bağlandı (?)11.04.2012
GoMap.az bazasında Gürcüstanın elektron xəritəsi yaradılmışdır11.04.2012
"Chrome OS" yeniləndi
Fontu böyüt:
Azərbaycanın ən müstəqil İKT portalı olan Xeberler.az-ın Seçki və İKT layihəsi davam edir. Müsahibimiz namizədliyi 17 saylı Yasamal üçüncü seçki dairəsindən irəli sürülmüş Bəxtiyar Hacıyevdir.
- Bəxtiyar bəy, seçki marafonunda internet və yeni medianın imkanlarından necə istifadə edirsiniz?
- Biz seçki marafonunda dairədən kənardakı resursları, bizim ideyaya dəstək verən insanları və onların maddi, mənəvi dəstəklərini bu dairəyə yönəltməkdə istifadə edirik. Hazırda seçki qərargahımızdakı könüllülərin böyük bir hissəsi və seçki kampaniyamızın xərclərini maliyyələşdirən gənclərin yardımları ilə seçki kampaniyamızın uğurla irəliləməsi sosial şəbəkələr vasitəsi ilə həyata keçirilir.
- Azərbaycanda internet son illərdə kütləviləşməyə başlasa da, elə insanlar var ki, internet haqda anlayışları yoxdur. Sizcə internetdəki təbliğatın effekti olacaqmı?
- Biz internetdən təbliğat üçün yox, təşkilatlanmaq üçün istifadə edirik. Mən namizədliyimi irəli sürdüyüm dairədə internetdən istifadə edən seçicilərin sayı elə də çox deyil. Bayaq qeyd etdiyim kimi, biz internetdən təbliğat üçün yox, təşkilatlanmaq üçün istifadə etdiyimizdən, kənar dairələrin resurslarından istifadə edərək öz ideyamızı təbliğ edirik. Hətta bu yaxınlarda belə bir hadisənin də şahidi olduq. Metronun önündə təbliğat-təşviqat materiallarını payladığımız zaman bir yaşlı kişi mənə yaxınlaşdı və dedi: “Bizim həyətimizdə 12 nəfər var və biz hamımız sizə səs verəcəyik, biz sizi çox yaxşı tanıyırıq”.
Mən isə ondan maraq üçün soruşdum ki, bəs siz məni haradan tanıyırsınız, axı mən sizin həyətinizə gəlməmişəm. O mənə bildirdi ki: “Mənim bir qohumum Nyu-Yorkda yaşayır, onun qohumu sizin haqqınızda danışıb, o da mənə zəng eləyib sizin haqqınızda danışıb. Mən də yaşadığım həyətdəki seçicilərə sizin haqqınızda danışdım”. Yəni bu dairədən olmayan insanlar belə bizim haqqımızdakı məlumatları bu dairədəki insanlara çatdırırlar.
- Ümumiyyətlə, maraqlanmısınız ki, sizin dairədən olan insanların neçə faizi internetin imkanlarından yararlanır?
- Bizdə olan məlumata görə, bu rəqəm 30%-dən yuxarı deyil.
- Sosial şəbəkələr və bloqlar. Sizcə təbliğat üçün hansı daha üstündür?
- Təbii ki, hər birinin öz ayrıca yeri var. Sosial şəbəkələrdən hər hansı bir qısa mesajı yaymaq üçün istifadə edirik. Məsələn, bizə təcili hər hansı bir könüllü lazım olanda biz sosial şəbəkələrdən istifadə edirik. Bu məlumatı yaydıqdan sonra ofisimizə, qısa müddətdə könüllülərin axını baş verir. Ənənəvi mediadan fərqli olaraq, bloqçular ictimai rəyin formalaşmasında böyük rol oynayırlar. Aydındır ki, hər hansı bir qəzet və radio kiməsə məxsusdur və buradakı fikirlərin obyektiv olmasını gözləmək olmaz. Amma bloqlarda yazılan fikirlər şəxsi fikirlər olduğuna görə, ictimai rəy formalaşdıra bilir. Ona görə də biz hər zaman çalışırıq ki, bloqlarda bizim haqqımızda daha yaxşı məlumatlar getsin. Bizim haqqımızda bir neçə təxribat da olmuşdu və həmin məsələlər bloqlarda tam əksini tapmamışdı.
- Seçicilərlə görüşlərinizi bloqunuzda və ya Youtubedə yayımlamaq fikiriniz varmı?
- Seçicilərlə görüşümüzü biz Facebook sosial şəbəkəsində, öz səhifəmizdə fotolar şəklində yayırıq. Seçki qərərgahımızda baş verənləri Twitter və Facebookda yayımlayırıq. Sadəcə, bloq yazmaq üçün mənim hazırda vaxtım yoxdur, çünki təbliğat-təşviqat üçün 23 gün vaxtımız var. Amma bizim könüllülərimiz qərargahımızda baş verən bütün yeniliklər haqqında öz bloqlarında məlumat yerləşdirirlər.
- İnternet portallara reklam vermisinizmi?
- Biz ancaq Facebookda ödənişli reklam vermişik. Bu da bizə çox sərf edir. Buradan bizim öz saytımıza keçid verilir. Təxminən, 150 min insan bunu görür və 200-dən çox klikləmək üçün biz sadəcə bir neçə dollar ödəyirik. Amma başqa portallarda da reklam təklifləri olub. Onlar isə Facebookla müqayisədə çox yüksək rəqəm söyləyiblər. Həm də Facebookda reklam verməyin portallara nisbətən ən böyük üstünlüyü odur ki, hədəf kütləni burada qruplaşdırmaq mümkündür. Bir reklamı bir neçə qrupun izləməsi mümkündür. Tutaq ki, 18-25 yaş arasında rus dilində danışan qızlar üçün bir reklam görünür, 25-30 yaş arası ingilis dilində danışan oğlanlar üçün başqa bir reklam görünür.
- Bəziləri düşünür ki, Azərbaycanda siyasi vəziyyət mürəkkəbləşsə, Facebook, Youtube, Tvitter kimi saytlara qadağa qoyulacaq. Sizcə, belə bir hal ola bilərmi? Əgər olsa, nə kimi tədbirlərə əl atacaqsınız?
- Azərbaycanda hər an hər şey baş verə bilər. Sadəcə olaraq, hələ bu baş vermədiyinə görə, biz də bu resurslardan istifadə edirik.
- Bu yaxınlarda deputatlığa namizədlərdən biri belə bir təklif irəli sürdü ki, seçkilərdən əvvəl virtual seçki keçirilsin. Onun fikrincə bu addım seçkiləri daha da şəffaf edər. Siz bu fikirlə razısınızmı? Sizcə belə bir şeyə ehtiyac varmı?
- Bu, Azərbaycanda 5 il sonra daha aktual ola bilər. Amma hazırda virtual seçkilərin keçirilməsi qanun pozuntularının artmasına gətirib çıxarar. Ən əsası, insanlar o səviyyəyə gəlməlidirlər ki, virtual seçkidən söhbət düşsün. Hazırda elə bir mühüt olmadığı üçün, inanmıram ki, virtual seçkinin keçirilməsi hər hansı bir şəffaflığın yaranması ilə nəticələnə bilər.
- Xeberler.az-ın yeni layihəsi olan “Seçki və İKT” haqqında nə deyə bilərsiniz?
- Mən sizin sayta və layihənizə uğurlar arzulayıram. Layihənizin daha böyük uğurlar qazanmasını arzu edirəm .
© 2008-2010 Xeberler.az
labrin
