Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

Osman Gündüz: "Bu Google şirkətinin günahıdır və onlar bunu mütləq aradan qaldırmalıdırlar"

19.07.2010 [13:16]

Fontu böyüt:

Məlum olduğu kimi Google şirkətinin məhsulu olan Google Earth Azərbaycan ərazisini təhrif edib. Belə ki, Naxçıvan Ermənistan ərazisi kimi göstərilib. Biz də bu məsələylə bağlı Azərbaycan İnternet Forumun (AİF) Prezidenti Osman Gündüzün fikirlərini öyrəndik.

Osman müəllim, bilindiyi kimi Google şirkəti Naxçıvanı Ermənistan ərazisi kimi göstərib. Siz Azərbaycan İnternet Forumu (AİF) olaraq bu səhvin aradan qaldırılması üçün nə kimi tədbirlər görürsünüz?

Ümumiyyətlə, son dövrlərdə biz müşahidə edirik ki, Google tərəfindən Azərbaycanla bağlı bir sıra yanlışlara yol verilir. Bu iki istiqamətdə baş verir. Birinci ondan ibarətdir ki, Googlenin özünün standart xəritələri var. Hansı ki, bu xəritələrdə müəyyən coğrafi ərazilər və adlar qeyd olunur və sonradan onu başqa bir istifadəçi dəyişə bilməz. Əgər bu sahədə yanlışlıq olsa, burada birmənalı şəkildə günah Googledədir. Və biz son dövrlərdə bunu müşahidə edirik. İstər Naxçıvanla bağlı, istərsə də Qarabağla bağlı məsələlərdə. Gah bu əraziyə erməni adı verirlər, gah azərbaycanlı. Bundan başqa Azərbaycanın xəritəsində müxtəlif səhvlər olur. Və biz hesab edirik ki, bu Google şirkətinin günahıdır və onlar bunu aradan qaldırmalıdırlar.

Bunun üçün Azərbaycan höküməti, internet istifadəçiləri və bizim kimi qurumlar Googleyə müraciət etməlidir. Biz AİF olaraq bir nəçə dəfə Googleyə müraciət etmişik. Amma bu məsələ, xəritə məsələsi rəsmi bir iş olduğundan bununla daha çox Azərbaycan Xarici İşlər Nazirliyi, Torpaq Komitəsi məşğul olmalıdır. Bu qurumlarr Google-yə rəsmi müraciət etməlidirlər, həmçinin link, mənbə göstərməlidilər ki, Azərbaycanın real xəritəsi budur və zəhmət olmasa bu xəritədən istifadə edin.

Bundan başqa Google-də elə xidmətlər təklif olunur ki, burada edit-redaktə funksiyası var və orada istifadəçilər xəritənin üzərində dəyişiklik edə, müəyyən təsvirlər yerləşdirə bilərlər. Bəs bunda Googleni günahlandırmaq düzgün olarmı?

Mən bayaq da qeyd etdiyim kimi Googledə təhrif iki istiqamətdə olur və bu ikinciyə aidir. Siz dediyiniz kimi, Googledə elə xidmətlər var ki, orada xəritə var və xəritənin üzərində istifadəçilər redaktə edə bilərlər. Məsələn orada yazılıb Bakı, ora rahatca Ermənistanın xəritəsini qoymaq olar və ya əksinə. Burada artıq vəziyyət başqadır buna görə biz Google-ni günahlandıra bilmərik. Çünki bu edit funksiyasından təkcə ermənilər yox, bizimkilər də yararlana bilərlər. Təəssüf ki , bizim istifadəçilərin əksəri bu tip resurslara o qədər də əhəmiyyət vermirlər.

Osman müəllim, sizcə bu səhvlər hardan qaynaqlanır və nəyə görə həmişə Azərbaycan ərazisi təhrif olunur. Düşünmürsüz ki, İnformasiya müharibəsində Ermənistana məğlub oluruq...

Bizim cəmiyyətdə belə bir fikir var ki, "onsuz da bu işi kimsə görəcək də, mən etməsəm də olar". Amma bu yanlış yanaşmadır. İnternetdən istifadə edən şəxsin əlində çox böyük imkanlar var və o bundan maksimum yararlanmalıdır. Yadımdadır ki , Dövlət başçısı Azərbaycanın diplomatik korpus nümayəndələri ilə bir neçə il bundan əvvəl görüş keçirəndə Ermənistana qarşı İnformasiya müharibəsinin gücləndirilməsi zərurətini xüsusilə qeyd etmişdi. . Bu yöndə hər bir internet istifadəçisi də gərək əməli işlə məşğul olsun.

Sonda xeberler.az saytının oxucularına nə demək istəyirsiz?

Xeberler.az oxucularına demək istəyirəm ki, İKT ilə bağlı xəbərləri xeberlerşaz dan oxusunlar. Əminəm ki, onlar istədikləri, axtardıqları informasiyanı məhz xeberler.az saytında tapacaqlar.

Hacıbəy Heydərli

Oxunub: 1 dəfə